ملی محاذ حزبینینگ مزار شریفدهگی نمایندهسی اخترمحمد ابراهیمخیلنینگ اویی قوراللی اوغیرلاوچیلیک‌لرگه عیب‌لنگنی سبب، امنیتی کوچلر تامانیدن قمراوگه آلیندی.
بلخ پولیس قومندانلیگینینگ امنیتی اورین باسری جنرال عبدالرزاق قادرینینگ ایتیشیچه، اوتکزیلگن تدقیقات نتیجه سیده قولگه کیلگن حجت لر، اخترمحمد ابراهیمخیلنینگ اوغلی نورمحمد اوتگن کون عصر چاغی ایکی عراده موتر، 13 مینگ امریکا دالری و 13 لک افغانی اوغیرلگنینی اثباتلهیدی.
جناب قادرینینگ ایتیشیچه، عیب لنگن کیشی لرنی قانونگه تاپشیریش اولرنینگ مسؤولیتی دیر و جناب ابراهیمخیل اولرگه همکارلیک قیلمهگن صورتده، زوردن ایش آلیشلری ممکن.
بیراق اخترمحمد ابراهیمخیلنینگ سلاموطندارگه ایتیشیچه، ایسلنگن عیب لاولر او و اوغلی گه قرشی سیاسی دسیسه دیر. اونینگ ایتیشیچه، بو موضوع قوم بویوک‌لری آرقهلی حل ایتیلیشی کیره‌ک.
بو موضوع حل ایتیلیشی اوچون بلخ ولایت مقامیده امنیتی ییغین یولگه قوییلگن.
