بوندن بیر آی آلدین احمد ایشچی جنرال دوستم و تَن قوریقچیلری تامانیدن جنسی تجاوز ایتیلگن لیگی توغریسده‌گی خبر دنیا مطبوعاتی ینگی لیکلری سیره‌سیگه کیرگن ایدی. درحال، اروپا بیرلشمه‌سی و دنیا نینگ قطار مملکتلری بو حادثه جدی شکلده تیکشیریلیشی طلبی بیلن چیقدیلر.
حادثه جوزجان ولایتیده روی بیرگن ایدی و جناب ایشچی ایسه 16 کوننی جنرال دوستم و ملی امنیت اداره‌سی نینگ تورمه‌سیده اوتکزدی. واقعه یوزبیرگن کونلر جنرال کابل‌گه کیلیش سفرینی بیکار قیلگندی. اما، او اوتگن پنج‌شنبه ایسه اونلب قوراللی تَن قوریچیلری بیلن کابل کیلدی. جنرال دوستم نینگ کابل‌گه کیلیشی ایشچی دوسیه‌سی تیکشیریلیشی اوچون امیدلرنی آشیردی. لیکن، دوسیه نینگ هنوزگچه تقدیری معلوم ایمس. بیرینچی اورین باسرنینگ پایتختگه کیلیشی کورینیشیچه دوسیه اوستیده هیچ تاثیر یوقلیگی سیزیله‌دی.
دستلب دوسیه درست تیکشیریلمس لیگی اوچون جمهور رییس نینگ بیرینچی اورین باسرلیگی جنرال دوستم آرقه‌لی رهبرلیک بولیشی سبب دوسیه هر تامانلمه تیکشیریلشینی اوز تاثیری آستیگه آلیشی باره‌سیده میش – میشلر پیدا بولگندی.
بو جنجاللی حادثه‌دن بیر آی اوتیشیگه قره‌می، کورینیشیچه دوسیه نینگ ایکّی تامانی سکوت سقله‌گنلر. جنرال دوستم و احمد ایشچی نینگ دوسیه‌سی تیکشیریلیشی حقیده خلق ایچیده بو توغریده حکومت یومشه‌گن لیک مساله‌سی سیزیله‌دی.
سلام‌وطندارگه بو توغریده صحبت بیرگن بیر قنچه سیاسی تحلیلچیلر، حکومت بو دوسیه‌نی جدی انابتگه آلمسلیگی « اویتلی انسانیتگه ضد» بیر حرکت دیگنلر. افغانستانده سیاست قیلیش زوروانلرنینگ شخصی منفعتی و قانون مجریلر تامانیدن شکل بیریله‌دی دیگن سیاسی تحلیلچیلر. مساله افغانستانده انسان حق وحقوقلری دایم ایاق آستی بولیب کیشیگه زمینه یره‌تگن لیگی ایتیله‌دی.
نصرالله علم، بو توغریده هیچ بیر دوسیه تیکشیریلمس لیگینی ایشانچ بیلن تیلگه آله‌دی. «پرده آرقه‌سیده بجریله دیگن معامله‌لر هیچ بیر زمان افغانستان خلقی نینگ فایده‌سیگه» ایمس دیدی بو تحلیلچی.
اونینگ تعبیریچه، افغانستان حکومتی فرخنده حادثه‌سیگه قره‌شلی دوسیه‌نی تیکشیریشگه قادر بولمه‌گنی سینگری بو دوسیه‌نی هم تیکشیره آلمیدی.
هادی میران، ایچشی دوسیه‌سی توغریسیده‌گی حکومت نینگ موقفی زمان اوتیشی بیلن یومشب بارماقده دیگن. اونینگ سوزلریگه قره‌گنده، ایچشی نینگ دوسیه‌سی هر تامانلمه تیکشیریلمه‌گن تقدیرده، دولتگه نسبتن خلق نینگ ایشانچی بوندن هم کوپ آزه‌یه‌دی دیگن.
مساله توغریسیده باشقره‌لاوچیلیک اداره‌سی مسووللری‌نینگ قونغراققه جواب بیرمه‌گن لیگی و جناب دوستم رهبرلیگیده‌گی جنبش حزبی نینگ مسووللری هم ایشچی موضوعی حقیده ییتکرمه‌لرگه جواب بیرمسدن بی‌فرق یانده‌شیشی سیاسی تحلیلچیلرنینگ سوزی حق لیگینی معلوم قیله‌دی. جنرال دوستم ایشچی‌نی قیناققه آلگن لیگی خصوصیده‌گی دوسیه درست تیکشیریلیشی اوچون شک شبهه بار.
