ملی اجندا لایحه‌سی نینگ اساسچیسی و احمدشاه مسعود بنیادی نینگ باشلیغی احمدولی مسعود، دوشنبه کون اوتکزیلگن ییغین‌ده ایتیشیچه، صادق اداره بولمه‌گنی و بیرقطار کیشی‌لرنینگ امتیاز طلب‌لیگی، اساسی قیین چیلیک‌لردن بولیب ملی بیرلیک حکومت رهبرلری‌گه توسیق بوله‌دی.
ملی اجندا نینگ «افغانستان قیسی بیر تامان کیته یاتگن‌لیگی» نامی آستیده یولگه قویلگن ییغین‌ده احمدولی مسعود، خلق نماینده لری و بیرقطار مدنی کیشی‌لر موجود قیین چیلیک لرگه ییچیم یول تاپیش اوچون مساله‌سی‌نی محاکمه قیلگن‌لر.
جناب مسعود، ملی بیرلیک حکومتی نینگ رهبرلریدن باشقه فرصت‌لرنی امتیاز طلب‌لیک قربانی قیلمس‌لیک لرینی سوره‌گن.
جناب مسعود گه کوره، حاضرگه قدر ملی بیرلیک حکومتی‌ده تعادل گه برابر کابینه و بیرگه لیک فکر تیزیلمه‌گن، حاضرگچه حکومت بیر قول ایمس دیر.
ملی بیرلیک حکومتی آی‌لر اوتیب، ایچکی تارتیشوولر باعث کابینه‌سینی پارلمان گه تانیشتیره آلمه‌گن ایدی.
جناب مسعود نینگ ایتیشیچه، افغانستان اهالی‌سی ملی بیرلیک حکومتی گه ایشانمیدی.
اونگه کوره، ملی بیرلیک حکومتی‌نینگ تشکیلی گه قیین چیلیک یوق، اما بو حکومت‌نینگ رهبرلیک شیوه‌سی اوزگریشی لازم.
بوندن آلدین هم حکومت ایچیده بولگن تارتیشوولر، بیرقطار تشکیلات تنقیدی گه دوچ کیلدی.
تنقیدچیلرگه کوره، بو تارتیشوولر باعث والی‌لر تیزلیکده تانیشتیریلمه‌ی و حکومتی اداره‌لر تقدیری نا معلوم قالگن ایدی.
سیاسی ایش بیلرمانلردن بیری خلیل رومان نینگ ایتیشیچه، گروهی شکلده موجود قیین چیلیک‌لرنی تاپیب اوندن چیقیش اوچون ییچیم یول تاپیش کیره‌ک.
جناب رومان‌گه کوره، وضعیت بونده‌ی بیرشکلده دوام ایتمس لیگی لازم.
بو اولتیریش، ملی بیرلیک حکومتی نینگ ایجاد ایتیلیشی خصوصیده بولگن سیاسی کیلیشوونی عمل گه آشیریلیشی، تشقی سیاست‌ده بیللی فکرلر ایجاد ایتیلیشی، شمالی ولایتلرگه اوروش اوتکزیلگنی سببی و سیلاولر تیزیمی گه اصلاحات کیریتیش کمیسیونی نینگ ایشی باشله‌نیشی اوچون باسیم کیلتیریش مملکت‌ده‌گی موجود قیین چیلیک لردن چیقیش‌نینگ بیرینچی یول دیب بیله‌دی.
