بوگون «پنج‌شنبه» کابل‌ده خبری بیر ییغینده نطق سوزله‌گن اجراییه ریاستی سوزلاوچیسی مجیب‌الرحمان رحیمی‌نینگ ایتیشیچه، مرکزلرده آواز بیرووچیلرنی رویخط‌گه آلیش لایه عادی شکلده دوام ایتماقده. او، اهالی‌دن بو لایحه‌ده کینگ شکلده اشتراک قیلیش‌لرینی سوره‌یدی.
عین حالده اونینگ ایتیشیچه، قاغدی کیم‌لیک‌لرده ساخته‌کارلیک قیلینیشی ممکن.
جناب رحیمی‌نینگ کوپه‌یتیریشیچه، سیلاولر تنیق شکلده یولگه قوییلمه‌سی توغریسیده اهالی خواطر بیلدیریب و سیلاولر ایرکین کمیسیونی گه بولگن ایشانچ‌لرینی قولدن بیرگن، بیراق حاضر سیلاولر یولگه قوییلیشی توغریسیده آواز بیرووچیلرنی رویخط‌گه آلیش لایحه تنیق بولگن.
اجراییه ریاستی سوزلاوچیسی‌نینگ ایتیشیچه، سیلاولر ایرکین کمیسیونی‌نینگ آرشیفی‌ده کیشی‌لرنینگ کیم‌لیک‌لرینی رقمی رویخط‌ده آلینه‌دی و کیم‌لیک‌لرینی رقمی کمیسیون آرشیفی‌ده رویخط‌گه آلینگن کیشی‌لر سیلاو کونیده تانیله‌دی. جناب رحیمی، اهالی‌دن سلبی تبلیغات گه ایشانمه‌ی و سیلاولر کینگ شکلده اشتراک قیلیش‌لرینی سوره‌یدی.
آواز بیرووچیلرنی رویخط‌گه آلیش لایحه بیش کوندن آلدین رسمی شکلده مملکت بویلب باشلندی. بیراق اوتگن سیلاولرده بولگن ساخته‌کارلیک‌لردن اهالی‌نینگ اچیق تجربه‌سی بولگنی باعث، اهالی کینگ شکلده بو لایحه گه اشتراک قیلمه‌یدی.
