ملی بیرلیک حکومت اجراییه باشلیغی سوزلاووچی‌سی جاوید فیصل‌نینگ ایتیشیچه، سیلاولر کمیسیونی‌نینگ حاضرگی کمیشنرلری کمیسیونگه اصلاحات کیریتمس‌دن آلدین پارلمان سیلاولر تاریخی تعین قیله آلمیدیلر.
بوگون (پنج‌شنبه) سلام وطندار رادیوسی بیلن صحبت قیلگن جناب فیصل، پارلمان سیلاولر توغری‌سیده آلینه دیگن هر قنده‌ی قرار ینگی کمیشنرلر تعین ایتیلگن‌دن سونگ معلوم بوله‌د‌ی.
عین حالده، افغانستان جمهور رییسی بیر فرمان آرقه‌لی سیلاولر مستقل کمیسیونی‌دن پارلمان همده ولسوال‌لیکلر سیلاولر زمانی تعین ایتیلیشی‌نی سوره‌گن.
اما، اجراییه ریاستی سوزلاووچی‌سی نینگ اورین باسری، سیلاولر کمیسیونی‌نینگ ینگی اعضالری تعین ایتیلمه‌گن حالده، پارلمان سیلاولرینی اوتکزیش زمانی تعین ایتیلمیدی دیگن.
جناب فیصل‌گه کوره، سیلاولر مستقل کمیسیونی‌گه اوزگریش کیریتمس‌دن آلدین بو باره‌ده آلینه‌دیگن هر قنده‌ی قرار عمل‌گه آشیریلمیدی.
عین حالده، جمهور رییس کمیشنرلر تنله‌نیش کیمته‌سی تشکیل ایتیلیش فرمانی‌نی صادر قیلیب و عالی محکمه رییسی‌دن مذکور اداره نماینده‌سینی تنلش کیمته‌سیگه تانیشتیریش‌نی سوره‌گن.
باشقه تاماندن «ایوا» یا افغانستان‌ده سیلاولرینی کوزه‌تیش اداره رییسی جانداد سپین‌غرنینگ سلام وطندارگه بیلدیریشیچه، حاضرگی وقت‌ده سیلاولر کمیسیون وظیفه وصلاحیت‌لر تشکیل قانونی جمهور رییس فرمانی اساسیده اوزگریش حالت گه کیلگن، بنابرین حاضر کمشنرلر پارلمان سیلاولر وقتینی تعین ایته آلمیدی.
جناب سپین‌غر، عملده‌گی کمشنرلر سیلاولر تاریخی‌نی تعین قیلگن حالده، سیلاولر تیزیمی‌گه اصلاحات کیریتیش بی معنا بر نرسه دیگن.
سپین‌غر ینگی کمیشنرلر سیلاولر تیزیمی‌گه اصلاحات کیریتیش کمیسیون اعضالری همکارلیگی‌ده ایش قیلیشی باره‌سیده تاکیدله‌گن.
کمشنرلرنی سیلش اوچون تنلش کمیته‌سی تشکیل ایتلیشی سیلاولر تیزیمی‌گه اصلاحات کیریتیش کمسیون‌نینگ مجموعی تکلیف‌لریگه کیریتیلگن موردلردن بولیب جمهور رییس غنی تامانیدن تصدیق لنگن ایدی.
پارلمان سیلاولر اوتکزیلیش زمانی‌نی تعین قیلیش سیلاولر مستقل کمیسیون وظیفه‌لریدن سنه‌له‌دی، اما اوتگن ییل جمهور رییس‌لیک سیلاولرده کمشن‌لرنینگ بجرگن ایشلری، مذکور کمیسیون ایشانچی‌نی حکومت همده اهالی آره‌سیده سوراق آستی‌گه قویدی.
