اجراییه ریاستی تامانیدن ینگیلیکده صادر ایتیلگن اعلامیهده برقی کیملیکلرنی ترقهتیش لایحه توختهتیلیشی سورهلگن.
اوشبو اعلامیهده کیلیشیچه، برقی کیملیکلر ترقهتیلیشی «کته و ملی قضیهلردن بیری صفتیده کوپراق بحث و دقتگه احتیاج دیر و بو توغریده ملی بحث اوتکزیلیب و عمومی کیلیشوو قولگه کیلیشی لازم.»
کورینیشیچه اوشبو اعلامیه میدیالر تامانیدن ارگده برقی کیملیکلر ترقهتیلیشی اوچون بایومتریک باسقیچی باشلنگنی توغریسیده ترقهتیلگن گزارشگه عکسالعمل دیر. اوشبو گزارش اساسیده، اوتگن کون جمهور رییس و باشقه قطار دولتی رسمیلر بایومتریک بولگن و کیلهجک نیچه کونده برقی کیملیکلر ترقهتیلیش باسقیچی باشلنهدی.
بیراق، اجراییه ریاستینینگ اعلامیهسیده اورغولنیشیچه، برقی کیملیکلر ترقهتیلیشی توغریسیدهگی جنجللر باسقیچ باشلنیشیدن آلدین حل ایتیلیشی کیرهک.
