افغانستان‌ده سرمایه یاتقیزوچی‌لرنی حمایت ایتیش اداره‌نینگ باشلیغی محمدقربان حقجو، اوتگن کون اوشبو اداره جمهور رییس غنی باشچیلگی‌ده اوتکزیلگن عالی اقتصادی کینگش‌د‌ه بیکار ایتیلدی دیگن ایدی.
اما، اجراییه اداره‌سی سوزلاوچی‌سی‌نینگ اورین باسری جاوید فیصل‌نینگ سلام‌وطندارگه ایتیشیچه، آیسا اداره‌سی افغانستان تجارت وزیرلیگی‌گه قوشیلگن‌لیگی هنوز نهایی بولمی، بو توغریده کابینه‌ده بحث ایتیله‌دی دیگن.
بوگون اجتماعی اخبارات واسطه‌لریده اجراییه ریاستی‌گه اساسلب یازیلگن گزارش‌لرده، آیسا اداره‌سی بیکار ایتیلگن لیگی‌گه عکس‌العمل بیلدیرگن.
اوتگن کون محمد قربان حقجو جمهور رییس‌دن حکومتی‌نینگ اداره‌لری بیلن بیرسانده یانده‌شیش‌نی سوره‌گن ایدی. او، جمهور رییس‌نینگ بو باره‌ده‌گی قرارینی احساساتی بیر عمل بولگن‌لیگی‌نی بیلدیرگن ایدی.
اما، اجراییه ریاستی سوزلاوچی‌سی اورین باسری‌نینگ فکری باشقچه. فیصل، قانون یوزسی‌دن وجودگه کیلگن اداره، قانون بوییچه بیکار ایتیلیشی‌نی ایتگن.
اما، افغانستان جمهور رییسی سوزلاووچی‌سی نینگ اورین باسری شاه حسین مرتضوی نینگ بو توغریده ایتیشیچه، آیسا اداره‌سی بیکار ایتیلیشی یا – ده بو اداره مملکت تجارت وزیرلیگی‌گه قوشیلیشی ملی بیرلیک حکومتی رهبرلری کیلیشووی اساسیده عملی بولگن.
شونینگ‌دیک مرتضوی بو کیشی‌لیک بیر قرار ایمس مملکت عالی اقتصادی کینگشی‌نینگ ییغنی‌ده جمهور رییس نینگ اورین باسرلری قوشیمچه حکومت نینگ اجراییه ریاستی باشلیغی هم اشتراک قیلگن دیگن.
عین حالده، اقتصادی تحلیلچی آذرخش حافظی، آیسا اداره‌سی مملکت تجارت و صناعت وزیرلیگی سیاست یوزه‌سی‌دن بو وزیرلیک‌که قوشیلگن دیگن. اونگه کوره، رواجلنگن حکومت‌لرده حکومتچی‌لیک ایشلری هم ایش تقسمی اساسیده عملی بوله‌دی.
شونینگ‌دیک جناب حافظی، ملی بیرلیک حکومتی ایچیده‌گی شخصی تارتیشولر وقت ضایع بولیب، اهالی‌نی بحران‌گه روپه قیلیش‌دن بولک نرسه ایمس دیگن. افغانستانلیک مذکور اقتصادی تحلیلچی‌نینگ سوزلریگه قره‌گنده، حکومت آیسانی بیکار قیلیش‌دن اصلاح قیلیشی کیره‌ک ایدی.
