د ملي یووالي حکومت اجرایوي رییس عبدالله عبدالله د اوبو ملي کنفرانس کې د دې مطلب څرګندولو ترڅنګ وویل، چې د اوبو ښه کنټرول د هېواد او نړۍ له سولې او ټیکاو سره مستقیمه اړیکه لري.
په دې درې ورځنۍ غونډې کې یو ۳۸ مادهییز پرېکړهلیک هم وړاندې شو.
اجرایوي رییس عبدالله عبدالله نن سهشنبې د (مارچ ۷مه) د (اوبه او تلپاتې پراختیا) تر نوم لاندې څلورم ملي کنفرانس پای غونډې ته وویل، چې اوبه او د اوبو ښه مدیریتد ژوند پت او نړیوالې سولې سره تړاو لري.
ډاکټر عبدالله زیاته کړه، چې د اوبو مسلې ته پاملرنه اساسي اړتیا ده او د دې غونډې پرېکړهلیک یو ښه لارښود کېدلی شي.
اجرایوي رییس وايي، چې دا پړېکرهلیک به د وزیرانو شورا راتلونکې غونډې ته د بحث لهپاره وړاندې کوي، چې پر تطبیق به يي یوه هره اړخیزه پالیسي جوړه شي.
په ملي او د سیندونو حوزو او کلیو په کچه د اوبو اوسني تشکیلاتي جوړښت ته بیا کتنه او په دې برخه کې نویو بنسټونو جوړول او پیاوړي کول، د اوبو له سرچینو څخه د ګټې اخیستنې او ساتنې ستراتیژۍ چوکاټ جوړول، د اوبو په مدیرت کې د ښځو د ونډې پیاوري کول، خصوصي سکټور ته د اوبو سرچینو مدیریت او پراختیا په برخه کې د ګټور میکانیزم جوړول او د سینديحوزې معلوماتي بانک جوړول او پیاوړي کول؛ د اوبو په اړه د ۳۸ مادهییز پرېکړهلیک له اساسي وړاندیزونو څخه دي.
د ډاکټر عبدالله پر وینا، پخوا د اوبو پیاوړتیا ډيپلوماسي ته لږ پام شوی و؛ خو په بنسټیزه توګه ورته پام نه دی، چې وروسته له دې به یو مهم لومړیتوب وګڼل شي.
په ورته وخت کې د انرژۍ او اوبو وزیر علي احمد عثماني غونډې ته وویل، چې په اوسنیو شرایطو کې د اوبو ډیپلوماسي یوه مهمه مسله دی، چې د دې غونډې په موادو کې ځای پرځای شوې ده.
عثماني زیاته کړه، که د هېواد د اوبو سرچینې لهمنځه لاړې شي؛ د بیارغونې فرصت نه لري.
د اوبو وزیر زیاته کړه، چې اوسمهال هېواد له زیاتو ستونزو سره مخ دی؛ خو د اوبو د تلپاتې تامین مسله باید جدي وګڼل شي.
د اوبو او انرژۍ وزیر زیاته کړه، چې په راتلونکې کال کې په هېواد کې د اوبو مدیرت په اړه ملي کنګره جوړه شي.
په دغه کنفرانس کې افغان ولسمشر محمداشرف غني له ګاونډیانوغوښتي وو، چې د افغانستان له لوري د اوبو له سرچینو له استفادې دې نور هېوادونه ملاتړ وکړي.
افغان ولسمشر دا هم ویلي وو، چې د افغانستان اوبه مهمه طبیعي سرچینه او د افغانانو شتمني ده، چې تر اوسه د اوبو له واقعي اهمیت او ارزښت څخه بې خبره پاتې دي او دا يې هم وویل، چې د هېواد اوبه د سم تنظیم او مدیریت په برخه کې زیات کار ته اړتیا لري.
د غني پر خبره، که د افغانستان اوبه کنټرول شي؛ نو افغان حکومت به له ګاونډيو هېوادونو د برېښنا له واردولو هم خلاص شي.
نوموړي زیاته کړه: «د افغانستان د اوبو سرچینې په شتمنۍ بدلېدای شي او د هېواد یو تر ټولو مهمه سرچینه د هغه جغرافيايي موقعیت دی چې ۳ زره کاله یې دغه هېواد د تمدن په مرکز او څلور لارې بدل کړی و.»
د اوبو درې ورځنی ملي کنفرانس له ۱۳۸۸ کال راهیسې هر کال په کابل کې جوړېږي، چې سږ کال يي څلورم کنفرانس ولسمشر محمد اشرف غني پرانیست او د اجرایوي رییس پر وینا پای ته ورسېد.
