قندهار-ارزگان شاه یولی امنیتی پوسته‌لری نینگ عسکرلری آیلیکلری بیریلمه‌گنی اوچون شاه یول پوسته‌لرینی ترک قیلگنلر. اولر، امنیتی تهدیدلریانیده آلتی آیدن بیری آیلیکلری بیریلمه گن‌لیگینی بیلدیره‌دی.
بو عسکرلر، مملکتدن دفاع قیلیش اولرنی اساسی مسؤولتی بولیش یانیده، آیلیکلری تولنمسدن ایشنی دوام بیره آلمس‌لیکلرینی معلوم قیله‌دیلر.
بو عسکرلردن خدایداد و شیراحمدنینگ ایتیشلریچه، بولرنینگ آیلیکلری بیریلیشی بیلن خانه‌دانلریگه نفقه بیره‌دیلر، بیراق 6 آیدن بیری حقوقلری تولنمه‌گن.
آیلیکلری تولنمسدن امنیتی تهدیدلر بیلن ایشلرینی دوام بیریش اوته قیین بولگن.
ارزگان والیسی نینگ سوزلاوچیسی دوست محمد نایاب ولایت پولیس کوچلری تامانیدن 7 امنیتی پوسته ترک قیلیش خبرینی تأیید قیلیب ایتیشیچه، آیلیکلری تولنیلمه‌گنلیگی دلیل، ارزگاندن 4 پوسته و قندهاردن 3 پوسته‌نی ترک قیلگنلر.
اما قندهار پولیس سوزلاوچیسی ضیا درانی بوگپلرنی رد قلیب، پولیس کوچلری آیلیگی وقتیده بیریله‌دی دیدی. اونگه کوره، حقوقلرینی تولش باره‌سیده اوزاق توشگن تومنلرنی بیرینچیلب تولیدیلر.
قندهار-ارزگان شاه یولی امنیتی کوپلری شوپیتده 7 پوسته‌نی ترک قیلگنلر که اوتگن هفته ارزگان والیسی کیلگوسی هفته گه قدر پولیس کوچلری قیینچی‌لیکلرینی حل قیلیش وعده‌سینی بیرگن ایدی.
