افغانستان نماینده‌لر کینگشی و تومن‌لر کینگشی سیلاولریده اشتراک قیلیش اوچون آواز بیریش شرایطی‌گه ماس کیشی‌لرنی رویخط‌گه آلیش لایحه اوتگن کون باشلندی و آواز بیریش شرایطی‌گه ماس کیشی‌لرنینگ رویخطی قاغذی کیم‌لیک‌لر اساسیده بیللی بوله‌دی و شونینگ‌دیک، آواز بیریش کیم‌لیک اساسیده عمل‌گه آشیریله‌دی.
بیراق، جمعیت‌نی رویخط‌گه آلیش مرکز اداره‌سی‌نینگ ایتیشیچه، قاغذی کیم‌لیک آلگن یشاوچیلرنینگ رقمی بیللی ایمس دیر. سلام‌وطندارگه صحبت بیرگن جمعیت‌نی رویخط‌گه آلیش اداره سوزلاوچیسی روح‌الله احمدزی‌نینگ ایتیشیچه، کیم‌لیک آلگن کیشی‌لرنینگ آره‌سیده 10 کیم‌لیگی بولگن کیشی‌لر هم موجود.
جمعیت‌نی رویخط‌گه آلیش اداره تخمینی اساسیده، مملکت یشاوچیلریدن کمیده 18-20 میلیون کیشی‌نینگ قاغذی کیم‌لیگی بار؛ بیراق بو رقم دقیق ایمس دیر.
جمعیت‌نی رویخط‌گه آلیش اداره سوزلاوچیسی‌نینگ ایتیشیچه، کیشی‌لرنی بیللی قیلیش اوچون بیرینچی ییچیم یول، برقی کیم‌لیک‌لر ترقه‌تیلیشی دیر.
نماینده‌لر کینگشی اعضاسی محی‌الدین مهدی‌نینگ سلام‌وطندارگه ایتیشیچه، بیر کیشی تامانیدن نیچه کیم‌لیک آلیش جدی قیین‌چیلیک‌لر و خواطرلر سنله‌دی. اونگه کوره، کیشی‌لرنینگ نیچه کیم‌لیگی بولگنی سیلاولر شفافیتی‌نی سوراق دوچ کیلتیره‌دی و سیلاولر شفافیتی‌نی تضمین قیلیش خصوصیده، سیاسی حزب‌لرگه نظارت اتاقی ایجاد ایتیلیشی کیره‌ک.
سیلاولر ایرکین کمیسیونی اعضاسی وسیمه بادغیسی‌نینگ ایتیشیچه، مذکور کمیسیون تامانیدن آواز بیرووچیلرنی رویخطی قلمی شکلده تیارلنه‌دی. نیچه کیم‌لیگی بولگن کیشی‌لرنینگ قیین‌چیلیگی قنده‌ی بیر شکلده حل بوله‌دی دیگن سوراققه اونینگ جواب بیریشیچه، جمعیت‌نی رویخط‌گه آلیش اداره‌سی بونده‌ی بیر موضوع نی سیلاولر کمیسیونی بیلن شریک قیلمه‌گن.
ایش بیلرمانلرنینگ ایشانچی‌گه کوره، بیر کیشی‌نینگ اختیاریده 10 کیم‌لیک بولگن صورتده، عین پیت‌ده ایسته‌گن نامزدی اوچون نیچه آواز فایده‌لنه آله‌دی و آواز بیرووچیلرنی رویخط‌گه آلیش لایحه قلمی بولیشی بو قیین‌چیلیک‌نی کوپراق قیله‌دی.
