قوریلیش ایشلر بوییچه حجت بیریش آنلاین سیستمی یکشنبه کون اوتکزیلگن ییغین‌ده " قوریلیش ایشلر بوییچه حجت صادر قلیش آمریتی‌نینگ آنلاین سیستمی نامی‌ده آچیلیب" ایش‌گه باشله‌دی.
کابل شهردارلیک اداره‌سی نینگ سرپرستی عبدالله حبیب‌زی‌نینگ ایتیشیچه، قوریلیش ایشلر اوچون آنلاین حجت بیریش مملکت اهالی‌سی‌گه ییریک قولی‌لیک یره‌ته‌دی.
بو اداره بوندن بویان تیزلیک همده شفافیت بیلن قوریلیش حجت‌لرنی بنا قوره دیگن‌لر اختیاریگه قویه‌دی دیدی شهردارلیک سرپرستی.
جناب حبیب‌زی‌نینگ سوزلریگه قره گن‌ده، آنلاین سیستم آرقه‌لی حجت بیریش یخشی حکومت چیلیک‌نینگ بیر بولیمی بولیب، مملکت‌ده سرمایه یاتقیزوچیلر تیزلیک‌ده نیتلریگه ایریشیش‌لری اوچون ایجاد بولگن.
کابل شهردارلیک سرپرستی‌نینگ کوپیتیریشیچه، آنلاین سیستمی آرقه‌لی ترقه تیله دیگن قوریلیش ایشلر بوییچه حجت‌لر تیزلیک بیلن نظارت ایتیله‌دی.
بوندن آلدین، قوریلیش ایشلر اوچون حجت قولگه کیریتیش کمیده تورت ییل طلب قیلردی. ایندی ایسه آنلاین سیستم باشله‌نیشی بیلن سرمایه یاتقیزوچیلر تورت آی ایچی‌ده قوریلیش ایشلر اوچون حجت آلیش‌گه موفق بوله دیلر.
