.jpg)
آمریکا قوشمه ایالت‌لری نینگ مستقل‌لیگی‌دن نشانلش مراسم‌ده کابل بوییچه آمریکا ایلچیسی جان بس نینگ ایتیشیچه، افغانستان کیله‌جک نیچه آیده سیاسی بیر کیلیشوو و سیلاوگه گواه بوله‌دی و افغانستان یشاوچیلری کیلیشووگه تیار بولیشی کیره‌ک.
جناب بس گه کوره، آمریکا و بیرلشیک‌لری افغانستان یشاوچیلری چالینگن قیین‌چیلیک‌لرنی حل قیله آلمه‌یدی و بو قیین‌چیلیک‌لر حل ایتیلیشی خصوصیده، افغانستان یشاوچیلری ایش قیلیشی کیره‌ک.
افغانستان بوییچه آمریکا ایلچسی نینگ ایتیشیچه، سیلاو شفافیتی‌نی تأمین‌لش و طالبان گروهی بیلن کیلیشیش افغانستان یشاوچیلریگه تیگیشلی بوله‌دی و بو توغریده آمریکا قوشمه ایالت‌لری قرار قیله آلمه‌یدی، «عین حالده، آمریکا، افغانستان نینگ دوستی و بیرلشیگی صفتیده قاله‌دی.»
کابل بوییچه آمریکا ایلچیسی، افغانستان یشاوچیلری قربانلیگی توغریسیده نطق سوزله‌گن بیرچاغده، آمریکا و طالبان گروهی نینگ نماینده‌لری آره‌سیده قطرنینگ دوحه شهریده 7- دور تینچلیک سوزلشوولری دوام ایتماقده.
قطرده طالبان گروهی نینگ سیاسی دفتری سوزلاوچیسی سهیل شاهین نینگ آمریکا بیلن اوتکزیله‌دیگن 7- دور تینچلیک سوزلشوولری توغریسیده ایتیشیچه، بو سوزلشوولرده ایجابی نتیجه‌لر قولگه کیلگن، بیراق بوتون موضوعلر اوستیگه کیلیشیلگونگه‌قدر قولگه کیریتیلگن نتیجه‌لر نشر قیلینمه‌یدی.
شونینگدیک، کیله‌جک هفته یکشنبه کونی آلمان میزبانلیگی بیلن قطرده افغانستانلیک‌لر ارا سوزلشوو یولگه قوییلیشی خصوصیده قرار قیلینگن.
