.jpg)
دنیانینگ کوپینچه مملکت‌لریده کرونا ویروسی رواجلنگنی باعث، آلمان ده مهاجرلر قبول قیلینیشی توغریسیده چیکلاو تعیین ایتیلگن. بیراق ینگی بیر تدقیقات گه کوره، جاری میلادی ییل باشله‌نیشی‌دن مارچ آیی گچه کمیده 1800 باله و اوسمیر یوقالگن.
اوشبو باله‌لردن کوپینچه‌سی افغانستان و سوریه دن بولگن.
اوسمیرلر و باله‌لردن کوپینچه‌سی اروپا بیرلیگی گه اعضا مملکت‌لر اینیقسه یونان و ایتالیادن آلمان گه کیریشه‌دی. بیرقطارلری هم عایله‌لرگه قوشیلیب قاچاقی شکلده آلمان گه کیره‌دیلر.
بیراق، بو باله‌لر نیمه اوچون و قنده‌ی یوقاله‌دیلر؟ آلمان فدرال حکومتی نینگ بو سوراققه جواب ایتیشیچه: «احتمال باریچه بو باله‌لر و اوسمیرلردن کوپینچه‌سی قانونی یاشلرینی تولدیریشگن و باشقه اوسمیرلر و باله‌لر قطاریده حسابلنمه‌یدی.»
اوشبو باله‌لر و اوسمیرلردن بیرقطاری هم آلمان گه نسبتن فرانسه و سویس نی ترجیح بیریشه‌دی.
دابلین قانونی اساسیده، مهاجرلر و باش‌پناه ایزلاوچی‌لر سورگون ایتیلگنیدن سونگ، بیرینچی رویخط گه آلینگن مملکت گه قیتریله‌دی، بیراق ایریم پیت‌لر ناتوغری مصلحت و خبرسیزلیک باعث، نیچه ییل اروپایی مملکت‌لرنی آره‌سیده آواره بولیشه‌دی.
آلمان حاضرگه‌قدر آدم اوغیرلاوچلیک توغریسیده هیچ بیر گزارش قولگه کیریتمه‌گن.
.jpg)
یوقالگن باله‌لر و اوسمیرلرنینگ رقمی حاضرگه‌قدر بیللی بولمه‌گن. آلمان میدیالریدن تشکیل ایتیلگن بیر گروه سونگی گزارشی ده یوقالگن باله‌لر و اوسمیرلرنینگ رقمی‌نی ترتیب اساسیده 1074 و 711 کیشی اعلان قیلگن. آلمان حاضرگه‌قدر چیگره‌یی چیکلاولر و اجتماعی وضعیت یامانلیگی گه قره‌مه‌ی زیان کورووچی کیشی‌لرنی باش‌پناه ایزلاوچی صفتیده قبول قیله‌دی؛ کرونا ویروس جدی شکلده رواجلنگن بیرچاغده، 50 باش‌پناه‌سیز باله‌نی لسبوس، ساموس و کیوس ارال‌لریگه انتقال بیریشی شو موضوعلردن بیری دیر. بو باله‌لردن کوپینچه‌سی سوریه، اریتره و افغانستاندن بولیشگن.
اوشبو باله‌لر کرونا ویروس رواجلنگنی باعث، قرنطین ده بولگن. انسان حقوقی تشکیلاتی گه کوره، «بو جهنم باله‌لردن بوشه‌لیشی اوچون» آلمان باشقه باله‌لرنی هم قبول قیلیشی کیره‌ک.
شونینگدیک، باله‌لردن حمایت قیلووچی تشکیلات، مهاجرلرنینگ اردوگاهی‌ده فاجعه یوز بیریشی‌دن آگاه‌لنتیرگن. اوشبو تشکیلات نینگ اعلان قیلیشیچه: «برچه باله‌لر و زیان کورووچی کیشی‌لر یونان نینگ اردوگاه‌لریدن انتقال بیریلیب و بو اردوگاه‌لر بوشه‌تیلیشی لازم.»
بیراق، اروپاده مهاجرلیک‌که قرشی و قتیق سیاست‌لر اساسچیسی تانیلگن آلمان ایچکی ایشلر وزیری هایکو ماس نینگ ایتیشیچه، برچه اروپایی مملکت‌لر بیرلیک‌لرینی کورسه‌تیب باش‌پناه ایزلاوچی‌لر و زیان کورووچی کیشی‌لرنی قبول قیلیش اوچون مسؤولیت‌لرینی عمل گه آشیریش‌لری کیره‌ک.
