دنیا بویلب شهرت قازانگن فزیک عالمی آلبرت انشتین‌نینگ نادر نامه‌لری پنج شنبه کونی 21- جوزا امریکه‌نینگ کالیفرنیا ایالتی‌ده کورگزمه گه قوییلیب، 420 مینگ‌دن آشه‌راق امیریکه لیک دالر ساتیلدی.
اوشبو نامه‌لر انشتین‌نینگ شخصی نادر اثرلریدن بولیب حراج خانه (پروفایل ان هیستوری) تامانی‌دن ساتووگه قوییلگن.
انشتین‌نینگ بو نامه‌لریگه یازیلگن موضوع‌لر خداگه ایشانیش، هندسه علمی‌نی اورگنیش توغریسیده، اوغلی‌گه بغیشلگن نصیحت، بخار موتوری و اویین چاق‌لر ایکن. اوشبو مجموعه 27 قول یازمه‌دن عبارت بولیب، انگلیسی و آلمانی تیل‌لریگه یازیلگن.
(پروفایل ان هیستوری) حراج خانه‌سی نینگ اساس‌چی‌سی جوزف مادالنانینگ ایتیشیچه، «برچه‌میز بیله‌میز او نیمه ایش قیلگن و اوز نظرلری بیلن دنیانی قنده‌ی قیلیب اوزگرتیرگن. بیراق بو نامه‌لر سکه‌نی باشقه بیر یوزینی کورسته‌دی: اونینگ علاقه‌سی فرزندلری بیلن قنده‌ی ایکن و خداگه قنده‌ی عقیده‌سی بولگن؟».
انشتین نامه‌لریدن بیری‌گه فرزندلریدن هنده‌سه‌نی جدی صورتده اوقیش‌لرینی سوره‌گن. او باشقه بیرنامه‌سی‌گه ایری ینگی خیانت قیلگن دوستی‌گه دلدارلیک بیره‌دی. شونینگ‌دیک ابه‌سی توغلیگنی کونی نینگ 70 بیلن بیر نامه آرقه‌لی تبریک له‌یدی. او، بو نامه‌ده ابه‌سی‌گه یازگن کیم انچه ییل آلدین اونگه ساووغه قیلگن بخار موتوری، بیر عمر اونی علاقه‌سینی علم‌گه و دانش‌گه تارتگن.
انشتین خداوند توغریسیده یازگن نامه‌سیگه ایتیشیچه، او خداگه ایشانه‌دی، اونی کافرلیگی و بی خدا لیگی توغریسیده بولگن عقیده‌نی رد ایته‌دی.
«Profile in History» حراج خانه‌سی اوشبو نامه‌لرنی 420625 امیریکه دالری گه ساتگن.
بو جمله‌دن انشتین‌نینگ بمب اتم و نسبیت نظریه‌سی توغریسیده اوغلی‌گه یازگن نامه‌سی، 62500 امیریکه دالری‌گه ساتیله‌دی.
بوندن آلدین هم میلادی 2006- ییل انشتین نینگ یاش‌لیک دوریده‌گی قول یازمه‌سی تاپیلیب 500 مینگ دن آشه‌راق امیریکه دالری‌گه ساتیلگن ایدی.
شونینگ‌دیک میلادی 2011- ییل دنیا بویلب شهرت قازانگن فزیک عالمی نینگ 1939- ییلده یازیلگن نامه‌لریدن بیری 14 مینگ دالر ساتیلگن. انشیتن مذکور نامه‌ده یهودی‌لرنینگ نازی‌لرنی قولی‌دن قوتقرگن امیریکه‌لیک سوداگرنی آلقیش‌له‌گن.
آلبرت انشتین 1879- ییل مارچ آیی نینگ 14 ده آلمان نینگ اولم شهریده دنیاگه کیلگن، 1921- ییل فزیک نوبل ساورین‌نی قول‌گه کیریتدی و 1955- ییل اپریل آیی نینگ 18 ده امیریکه‌نینگ پرنستون شهریده دنیادن کوز یومدی.
