.jpg)
کیلگوسی جمعه و پنجشنبه کونلری بامیان «دنبوره» فیستوالیگه میزبانلیک قیلیشی کوتیلهدی. لیکن دین عالملر کینگشی بیر اعلامیه نشر قیلیب، مذکور فیستوالنی دین قدریتلریگه ضد بیر عمل دیگن. اوشبو فیستوالنی اوتکزیش بامیانلیک دین عالملر اوچون قبول قیلنمهدیگن مسله دیگن دین عالملر.
اوشبو کینگش نینگ باشلیغی سیدنصرالله واعظی سلاموطندارگه بیرگن صحبتیده، اوشبو خبرنامه ولایت نینگ مدنی، دینی و اجتماعی قتلمی هماهنگلیگی بیلن نشر بولگن دیدی. جناب واعظی، سارک همده ایپک یولی فیستواللریده هم دین عالملری بو قبیل اعلامیهلر ترقتگن ایدی دیگن.
.jpg)
شونینگدیک دین عالملر کینگشی مذکور فیستوال نینگ اساسی قیینچلیگی عیال و ایرککلر بیر ییرده توپلهنیشیدن کیلیب چیقهدی دیگن. او، موسیقه فیستوالی عیال وایرککنی وجدگه آلیب کیلهدی « نهایتده عیال و ایرکک رقصگه توشهدی» دیدی.
دمبورهچیلردن بیری حفیظ اختیارزاده دین عالملرینینگ بو توغریدهگی عکسالعملینی نا قانونی دیگن. اوشبو فیستوال دمبوره چالیش مدنیتینی سقلب قالیش اوچون اوتکزیلهدی دیگن اختیارزاده.
افغانستان اخبارات ومدنیت وزیرلیگی نینگ سوزلاوچیسی صابر مومند، اوشبو وزیرلیک افغانستان مدنیتی بای بولیشی اوچون سعی و حرکت قیلهدی هیچ بیر زمان مذهبی و عقیدتی قدریتلرگه ضد ایش قیلمهیدی دیگن.
دنبوره فیستوالی ایکّی کون بامیانده بولیب اوتیشی ریجهلنتیریلگن. بو ولایت سرطان آیی نینگ 22 /23 کونلری کچالو گلی فیستوالیگه هم میزبانلیک قیلهدی.
