هرات ولایتی نینگ امنیتی محلی بلند مرتبه‌لی رسمیلری شیندند« اورایین» منطقه‌سیده افغان ملی کوچلری بیلن قوراللی طالبلر اورته‌سیده 24 ساعت دوام ایتگن اوروش جریانیده جنگری طالبلرنینگ 2 قوماندانی داخل 52 کیشی اولدیریلگن دیگنلر.
هرات ولایت والیسی نینگ سوزلاووچیسی جیلانی فرهاد، افغان ملی کوچلری نینگ ییر و هوا دن اوتکزگن عملیاتی نتیجه‌سیده قوراللی طالبلر نینگ ملا نایب و ملا محب ناملی تانیقلی ایکّی قوماندانی اولدیریلگن دیگن. او، اوروش جریانیده قوراللی طالبلر بیر شفاخانه و بیر مکتبنی اوتگه یاندیریب یوبارگنلر دیدی. آتیشمه عاقبتیده 5 نفر تینچ اهالی قربان بولیب و 4 کیشی ایسه یره لنگنی ایتیله‌دی.
هرات ولایتی والیسی نینگ سوزلاووچیسی اوروش‌ده افغان ملی کوچلری اوچ حربیسی قربان ایتیلگن لیگینی تصدیق ایتگن. ایتیلیشیچه، جنگ‌ده ملی کوچلرنینگ 6ته سی یره لنگن. هنوز هم شیندند تومنی نینگ «اورایین» قیشلاغیده افغان ملی کوچلری بیلن جنگری طالبلر اورته‌سیده اوروش جریانی بارلیگی ایتیله‌دی.
جنگری طالبلر تامانی هنوزگه بیرار نرسه دیمه‌گن.
سونگی کونلرده قوراللی طالبلر هجوملر آرقه‌لی حمله‌لرینی شددتلشتیرگن. ایریم پیتده مملکت خلقی بعضی بیر ولایتلر جنگری طالبلر قولیگه اوتگن لیگی‌گه هم گواهلر.
