کابل خیرخانه خرادی دکانلرگه بارگن بیرچاغیمده، فیضی قوشنی‌لری قوانچ بیلن توگره‌گیمیزدن ایله‌نیب، کولگی بیلن اونینگ توزه‌تیلگن تانکی‌نی مین و یاردمچیم‌گه کورسه‌تیش اشتیاقی‌نی اوزلریدن کورستدیلر.
آرمان فیضی، اوز تشبثی بیلن قیشلاقی ده‌گی خلق قیینچی‌لیگی‌نی حل ایتیش اوچون تانک توزه‌تیشگه موفق بولگن، اونینگ ایتیشیچه، « پنجشیرده، اویمگه بارگن بیرچاغیمده، زمرد کانی‌نینگ ایشلاوچیلری یمان بیر شرایطده ایش بیلن مصروف ایکن لیگی‌نی کوردیم؛ مین هم بولرحالتینی کوریشیم بیلن ایش وضعیت‌لری قولیمدن کیلگونگه قدر یاردم بیریش وعده سینی بیرگندیم».
حاضرگی کابل یشاوچی‌سی بولگن آرمان فیضی، گینه 6- صنف‌گچه اوقیگن و اقتصادی قیینچی‌لیک‌لر باعث یاشلیکدن خرادی ایشی بیلن مصروف ایکن.
فیضی‌گه کوره، تانکی ایشی حاضرگه قدر تکمیل بولمه‌گن و 15 فایز ایشی قالگن. اوکه تانک توزه‌تیش اویلاوی قنقه باشیگه توشدی؛ حکایت قیلیشیچه، «اورتاقلریم بیلن پنجشیر بارگنیم‌ده زمرد کانی‌گه باش اوردیک، اونده کان ده‌گی ایشلاوچی‌لرنی غلطک بیلن قُوملرنی کاندن چیقاریش حالتی جوده اچینرلی ایدی. کابل کیلیشیم بیلن کان ایشلاوچیلرینینگ ایشینی اینگیل قیلیش نیتی‌ده، تانک توزه‌تیشگه اولگوردیم و اوچ آی مابینیده شخصی پولیم بیلن کان ایشلاوچی‌لریگه تانک توزه‌تسم».
فیضی تانک ایشی دوامیده کوپلب مالی قیینچیلیک بیلن روپه‌ره بولگن، ولی کان ایشلاوچیلرینینگ قیینچیلیک بیلن ایش قیلیشلری کوزینی آلدیدن کیتمه دی، کانچیلر یوزیدن تِیر آقیب شیپشیته بولیب تورگن حاللری اونگه کوپراق کوچ بیرگن تا تانک ایشی‌گه کونگیل ته گیدن اورونسه.
آرمان امید و ایستک‌لر بیلن سوزلشردی و کیله‌جکده باشیده‌گی اوی- فکرلری توغری سیده سوزلشدی.
آرمان‌گه کوره، دولت حمایت قیلگن صورتده کیله‌جکده قیله آله‌دی شونگه اوخشه گن نیچه تانک توزه‌تیب؛ کانچیلر خدمتی‌گه قویسه و مذکور خطرلی ایشلرنی آسان قیلسه.
اونینگ توزه‌تگن تانکی بیر کیشی‌نی اوزی بیلن آلیب کیتگن چاغده بیر تُن بارنی اوزی بیلن ایلته‌دی.
اوتمیش 13 مابینیده آرمان فیضی‌گه اوخشه گن ییگیت‌لردن نیچه‌لری تورلی نرسه‌لر توزه‌تیشی بیلن جامعه‌ده کوریندیلر، ولی دولت تامانیدن مهر سیزلیک و کورمسلیک‌که اوریلیب کیتیدیلر.
فیضی سوزلری سونگی سیده دولت‌دن ییگیت‌لر و بولرکوچیگه کوپراق توجه قیلیشی‌نی سوره‌دی.
آرمان فیضی دکانیدن اوزاغلشگن زمان، اوزیمگه افسوسلب کاشکی افغانستان دولتی‌گه کوز بولسه ایدی، بونقه ییگیت‌لرنی کوریب، پارتلش و خوکش هجوم خبری یانیده افغانستان ییگیت‌لری‌نینگ یوتوقلرینی دنیا بویلب ترقه تسک ایدیک دیدیم.
