د افغانستان د ملي مجمع په نوم بنسټ نن په کابل کې د رسنیو د ازادۍ نړیواله ورځ ونمانځله.
د دغه بنسټ مسوول سیدعبدالله هاشمي وايي، که څه هم خبریالان او رسنۍ د وینا ازادۍ ترلاسه کولو لپاره هېڅ راز هلې ځلې نهدي سپمولي، خو پهدې وروستیو کې لیدل کېږي چې ځینې کسان د وینا ازادي د مخنیوي هڅه کوي.
د هاشمي په وینا، امنیتي ځواکونو د سولې مشورتي لویې جرګې له لومړۍ تر وروستۍ ورځې د وینا ازادي نقض کړه.
اړوند مطالب:
عبدالله: د وینا ازادي په اړه زموږ په ذهنیت کې ستونزې شته
د سولې په خبرو اترو کې د بیان ازادي پر خوندیتوب د دانش ټینګار
سیدعبدالله هاشمي وايي، که تاوتریخوالی او د وینا ازادۍ نقض په پام کې ونه نیول شي، د رسنیو فعالیت به محدود او د وینا ازادي به له ګواښ سره مخ شي.
نوموړی زیاتوي، د خبریالانو مدافع او ملاتړي بنسټونه د تاوتریخوالي پر وړاندې د مبارزې وسه نهلري.
