د خوست والي ویاند طالب منګل وايي، پېښه تېره شپه شاوخوا ۹بجې د تڼیو ولسوالۍ «درهګي» سیمه کې د واده مراسمو کې رامنځته شوې چې ۵ تنه پهکې وژل شوي او ۲۰ نور ټپیان دي.
ښاغلي منګل وویل، پولیسو دې برخه کې څېړنې پیل کړېدي.
هاخوا د پېښې یو شمېر عیني شاهدان وايي، کوم کس چې د واده مراسمو کې ډزې کړي، نشه یې کړېوه.
د امنیې قومانداني ویاند عادل حیدر وايي چې د پولیسو له لوري د پېښې د عامل د کور له محاصرې وروسته هغه ځانوژنه کړېده.
د خوست تڼیو ولسوالۍ کې د واده مراسمو کې دغه پېښه داسې مهال رامنځته کېږي چې دغه ولایت کې زیاتره محفلونو کې د بجهبازۍ او نشهيي توکیو ستایلو په اړه سندرې ویل کېږي چې ډېری وخت په تاوتریخوالي بدلېږي او ان یو شمېر کسانو ته پهکې مرګژوبله اوړي.
