د کندهار د ولایتی شورا یو غړی د نوم نه خپرولو په شرط سلام وطندار ته وویل، تېره شپه د ښوراوک ولسوالۍ د سرو څاهانو په سیمه کې د وسلهوالو طالبانو ډلهییز برید ۲۰ پولهساتي ځواکونه وژلي، ۱۲ يې ټپیان کړي او ۸ تنه يې له ځان سره بیولي دي.
د ده په خبره، دغه برید داسې مهال شوی چې د سپینبولدک ولسوالۍ څخه یو پلاوی یادې ولسوالۍ ته ورغلی و چې د شپې مهال ورباندې وسلهوالو طالبانو برید کړیدی.
د کندهار دوالي ویاند پيښه تایدوی، خو نور جزییات نهورکوي.
د کندهار امنيه قوماندان تادينخان هم پېښه تایيدوي او وايي چې وسلهوالو طالبانو ته درنه مرګژوبله اوښتې او په پېښه کې سرحدي پوليسو ته هم تلفات اوښتي.
ښاغلی تادینخان زیاتوي، د پېښې ساحه لېري ده او دوی د معلوماتو په راټولو اخته دي چې د رسنيو سره به يې شريک کړي.
وسلهوالو طالبانو رسنیو ته په لېږل شوې خبرپاڼې کي د بريد مسووليت منلې او د ګڼو سرتېرو د مرګژوبلې د اړولو ترڅنګ يې د ۱۲ سرحدي پولیسو د ژوندي نيولو ادعا هم کړې؛ خو امنیتي مسوولان پهدې اړه تراوسه څه نه وايي.
ورته مطالب:
