د کمانډو د ځانګړو عملیاتو قولاردو چارواکیو د ۹۰۰ افسرانو، بریدملانو او سرتېرو له فراغته خبر ورکړ. دغو کومانډويي ځواکونو په ۱۴ اوونیو کې په مسلکي توګه نظامي زده کړې وکړې.
د کمانډو د ځانګړو عملیاتو د قولاردو مطبوعاتي مسوول عبدالقیوم نورستاني وویل چې دغو افسرانو، بریدملانو او سرتېرو پهدې موده کې د ام ۲۴۰ ماشینګنې، د ام ۲۴۸ ماشینګڼې، د ام ۲۳۰ لاسيبم اچوونکي، د ام. آی ۱۷ چورلکې تمرینونه، د بریدونو تر سره کولو او کمیننیولو زدهکړې وکړې.
د ښاغلي نورستاني په خبره، دا فارغ شوي کومانډويي ځواکونه د کمانډو قولاردو په بېلابېلو برخو کې وېشل شوی چې ډېرې تشې به را ډکې کړای شي.
دا ۲۶مه دوره ده چې د کمانډو د ځانګړو عملیاتو د قولاردو د لوړو تعلیماتو مکتبه د فراغت سندونه ترلاسه کوي.
