ولسمشر محمداشرف غني د یو فرمان په صادرولو سره د سولې عالي شورا د دارالانشاء رییس محمدعمر داودزی د سولې مشورتي لویې جرګې د جوړولو کمېسیون رییس ګومارلی او هغه ته یې دنده سپارلې چې له ټولو دولتي بنسټونو سره په همغږۍ پهدې برخه کې اقدام وکړي.
د دې فرمان پر بنسټ، کمېسیون دې د راتلونکي کال د غوايي/ ثور میاشتې پر ۹مه نېټه د سولې مشورتي لویه جرګه جوړه کړي.
د ولسمشر په فرمان کې راغلي: «د سولې مشورتي لویې جرګې د استماع په منظور، مشورو، د ټولنې د ټولو قشرونو استازیو نظرونو او تحلیلونو ته په احترام کولو او د مذکراتو بهیر ته د تسریع لارې لټول؛ د جرګې جوړېدل دي.»
پهدې فرمان کې ویل شوي چې د سولې مشورتي لویه جرګه به لوی او ملي فرصت وي چې له ټول هېواده به په کې د خلکو استازي په صمیمانه او ازاده فضا کې لکه، د طالبانو له تحریک سره د مذاکراتو چارچوب او سولې ته د رسېدلو د څرنګوالي تعریف په اړه به خپلې اساسي پوښتنې مطرح کړي
ټاکل شوېوه د سولې مشورتي لویه جرګه د روان کال د حوت پر ۲۶مه او ۲۹مه نېټه جوړه شوېوی او شاوخوا ۲زرو کسانو پهکې ګډون کړی وی؛ خو د دې جرګې د تاخیرېدو علت د ټول شمولو استازیو ګډون دی.
ورته مطالب:
دانش: هېڅکله سوله په سوال نه غواړو
