د افغان ـ ترک ښوونځیو د زدهکوونکیو کورنیو په مزارشریف کې د یادو ښوونځیو د ۹۰ ښوونکیو او کارکوونکیو تر نیولو وروسته نن په کابل کې خبري غونډې کې وویل، له قانوني حکم پرته هېڅوک د افغان ـ ترک د ښوونیزو بنسټونو د منحلولو حق نهلري.
د افغان ـ ترک ښوونځیو د زدهکوونکیو د کورنیو رهبرۍ شورا مرستیال عبدالشکور دادرس وايي، پر یادو ښوونځیو له بریدکوونکیو باید پوښتنه وشي او هغو ښوونکيو او کارکوونکیو ته یې هم باید د مېلمه په سترګه وکتل شي چې له ترکیې راغلي او دلته زموږ بچیانو تدریس کوي.
خو د بلخ امنیتي چارواکي په مزارشریف ښار کې د افغان ـ ترک ښوونځیو د ۸۳ ښوونکیو او کارکوونکیو د خوشې کېدو خبر ورکوي.
د بلخ امنیې قوماندان محمداکرم سامع وايي، د افغان ـ ترک په ښوونځیو کې د ۸۹ نیول شویو کسانو له ډلې ۶ یې ترکان دي چې د نن ورځې تر پایه به د بهرنیو چارو ریاست څانګې ته وسپارل شي.
نوموړی وايي، یاد ښوونځي اوس هم پرانستي دي، قانوني شول او هېڅ ستونزه پهکې نشته.
د بلخ پولیسو د جمعې په سهار په مزارشریف کې د افغان ـ ترک ښوونځیو ودانۍ کلابندې کړې او د ترکیې هېواد د وګړو په ګډون یې ۸۹ ښوونکي او کارکوونکي ونیول.
خو پوهنې وزارت په خپره کړې خبرپاڼې کې لیکلي چې د (چاغ ایجوکشنل) بنسټ نه د ترکیې معارف ته د افغان – ترک ښوونځیو د مدیریت د لیږد بهیر له کوم فزیکي اخوډب پرته تر سره شوی دی.
تر دې مخکې په کابل کې هم د یادو ښوونځیو یو شمېر ښوونکي د امنیتي ځواکونو له لوري نیول شوي وو چې له ډلې یې دوه ترکي ښوونکيو په کابل کې تر ۱۳ میاشتني کورني زندان وروسته تېره اوونۍ په سویډن کې پناه واخیسته.
