د کار او ټولنیزو چارو وزارت او د ماشومانو د حقونو برخه کې د همکارو بنسټونو مسوولان د کارګرو ماشومانو ملي سټراټېژي د جوړېدو خبر ورکوي.
د کار او ټولنیزو چارو وزیر فیضالله ذکي وایي، په دغه پروګرام کې هغه حل لارې ځای شوي چې د ماشومانو د کار مخه نیسي او کورنۍ یې د هغوی له حقونو خبروي.
د ذکي په وینا، د کارګرو ماشومانو ملي سټراټېژي به په هېواد کې د سولې د تامین او د ماشومانو د کاري ننګونو د له منځه وړلو برخه کې لومړنۍ حللاره وي.
نوموړی زیاتوي، دا سټراټېژي په ټولنه کې د عمومي درک او پوهې زیاتېدو ترڅنګ، د ماشومانو پر کار د څار اغېز هم ډېروي.
فیضالله ذکي ټینګار کوي چې د کار خاوند حق نهلري چې د ډېرې ګټې لپاره په لږ معاش ماشومان پر کار وګوماري او د هغوی د معلولیت لامل شي. دغه راز دولت باید هغه کسان وڅاري او ترې پوښتنه وکړي چې په ناقانونه توګه پر ماشومانو کارونه کوي.
د کانونو صنعت او په شاقه کارونو کې د ماشومانو ډېروالی
د بوختیاوو ډېرول، اقتصادي وده، له بېوزلو کورنیو سره مرسته او پهدې برخه کې د کار له خاوندانو د کړیو سرغړونو پوښتنه، د کارګرو ماشومانو د ملي سټراټېژي نورې مهمې برخې دي.
دغه راز د دې سټراټېژي له مخې به تر ۲۰۳۰ زېږدیز کال پورې په افغانستان کې د ماشومانو کار له منځه لاړ شي.
