بوگون (شنبه 7- جدی) ملی تدارکات باشلیغی الهام عمر هوتکی، قراردادلرگه موجود فساد و قانونلر نقض ایتیلیشی توغریسیده، نمایندهلر کینگشی گه چقیریلگن ایدی؛ بیراق بو ایکنچی مرته کیم کینگش گه حاضر بولیشدن باش تارتگن.
جناب هوتکی نینگ بو ایشی نمایندهلر کینگش اعضالری نینگ جدی عکسالعمللریگه روپهرو بولدی. نمایندهلر کینگش اعضالریدن قطاری نینگ ایتیشیچه، جناب هوتکی قراردادلر امضاءلنیشی حقیده بولگن فساد و قانون نقض ایتیلگنی اوچون اهالی گه جواب بیریش گه حاضر بولمهیدی. اولرگه کوره، ملی تدارکات باشلیغی عدلی و قضایی ادارهلرگه تانیشتیریلیشی کیرهک.
نمایندهلر کینگشی اعضاسی غلام فاروق مجروح نینگ ایتیشیچه، ملی تدارکات کمیسیونی اساسی قانون و باشقه قانونلرگه قرشی عمل قیلگن و شو یوزهدن کینگش گه حاضر بوله آلمهیدی.
اونگه کوره، ملی تدارکات کمیسیونی باشلیغی عدلی و قضایی ادارهلرگه تانیشتیریلیشی کیرهک.
عین حالده، نمایندهلر کینگشی اعضاسی ناهید فرید نینگ ایتیشیچه، ملی تدارکات ادارهسی قانون گه قرشی کینگ فساد قیلگن و مذکور کمیسیون نمایندهلر کینگشی آرقهلی، اهالی گه جواب بیریش گه حاضر بولمهیدی.
شو توغریده:
- تدارکات ادارهسی 35 میلیارد افغانی صرفهجویلیک قیلگن
ملی تدارکات قانونینینگ اوزگریش ریجهسینی نمایندهلر کینگشی تصدیقلهدی
میک: ایچکی ایشلر وزیرلیگینینگ تدارکاتی ایشلاوچیلری کیرهکلی ظرفیت و بیلیمگه ایگه بولمهگنلر
نمایندهلر کینگشی نینگ باشقه قطار اعضالری نینگ ایتیشیچه، ملی تدارکات بودجهسی جناب هوتکی نینگ کینگشده حاضر بولمهگنی اوچون لغو ایتیلیشی کیرهک.
بیراق نمایندهلر کینگش اعضالریدن باشقه بیری عبدالقیوم سجادی نینگ ایتیشیچه، ملی تدارکات باشلیغی نینگ جواب بیرمهسلیگی توغریسیده، رسمی بیر مکتوب حکومت گه یوباریلیشی کیرهک و کیین ایسه مذکور بودجه لغو ایتیلیشی اوستیگه قرار آلینسین.
نهایتده نمایندهلر کینگش باشلیغی رحمان رحمانی، اوچینچی مرته جناب هوتکی کینگش گه چقیریلیشی اوچون کینگش نینگ کاتبخانهسیده بویروغ بیردی.
جناب رحمانی گه کوره، ملی تدارکات اداره باشلیغی جاری هفته نینگ چهارشنبه کونی گچه کینگش گه حاضر بولیش اوچون وقتی بار، بولمهگنده اونینگ حقیده قرار آلینهدی.
نمایندهلر کینگشی نینگ اعضالریگه کوره، ملی تدارکات باشلیغی الهام عمر هوتکی قانون نقض ایتیلیشی و قراردادلر امضاءلنیشی گه موجود فساد حقیده عیبلنگن و بو توغریده اهالی نمایندهلریگه جواب بیریشی کیرهک.
