جاپان دولتی یونیسف اداره‌سی نینگ افغانستان باله‌لری و عیاللری قوتقریلیشی خصوصیده، تورلی واکسین‌لر تیارله‌شیدن حمایت قیلیش اوچون 7 میلیون دالر یاردم بیردی.
جاپان نینگ اوشبو 7 میلیون دالرلیک یاردم کیلیشوونامه‌سی، بوگون «چهارشنبه، 13- قوس» کابل بوییچه مذکور مملکت ایلچیسی و بیرلشگن ملت‌لر تشکیلاتی نینگ باله‌لردن حمایت قیلووچی اداره‌سی یا-ده یونیسف نماینده‌سی نینگ آره‌سیده امضاءلندی.
اوشبو مبلغ افغانستانده 1 میلیون و 310 مینگ باله ناگرانلیک نینگ آلدینی آلیش واکسینی و 920 مینگ عیال یوقوملی کسل‌لیک‌لردن قوتقریلیشی خصوصیده بولگن واکسین‌لر بولیمی‌ده صرفلنه‌دی.
کابل بوییچه جاپان ایلچیسی میتسوجی سوزوکانینگ ایتیشیچه، افغانستانده باله‌لر و آنه‌لر اولیمی کمه‌یگن، بیراق واکسین‌لر عمل‌گه آشیریلمه‌گنی باعث، بو مملکت حاضرگه‌قدر دنیا استندردلری بوییچه قویی درجه‌ده توخته‌گن.
افغانستانده یونیسف نماینده‌سی ابوبکر کامپونینگ ایتیشیچه، افغانستان حاضرگه‌قدر باله‌لرنینگ ناگرانلیگی یا-ده پولیونی بوتونله‌ی یوق ایته آلمه‌گن مملکت‌لردن بیری دیر. اونگه کوره، بو کسل‌لیک بوتونله‌ی یوق ایتیلیشی اوچون جدی شکلده سعی و حرکت قیلینیشی لازم.
ساغلیق‌نی سقلش وزیرلیگی اورین باسری مموسی زیورنینگ ایتیشیچه، جاپان نینگ بو یاردمی افغانستان دولتی نینگ آنه‌لر و چقه‌لاقلر تینگ و صفت‌لی شکلده واکسین بولیش‌لری گه یاردم بیره‌دی.
افغانستان بوییچه ساغلیق‌نی سقلش وزیرلیگی تامانیدن بیریلگن رقم‌لر اساسیده، میلادی 2019- ییل باشلنگنیدن بویان افغانستانده 22 ایجابی ناگرانلیک واقعه رویخط‌گه آلینگن و بو کسل‌لیک‌که چالینگن باله‌لردن کوپینچه‌سی قندهار و ارزگان ولایت‌لریده بولگن.
شو توغریده…
غزنی ده ناتینچلیک باعث، ایملش دستور یا-ده ناگرانلیک واکسینی توخته‌تیلگن
