تخار ولایتی‌نینگ چاه‌آب تومنیده ناقانونی قوراللی کیشی‌لر و پولیس کوچلری آره‌سیده اوچ کون آلدین باشلنگن آتیشمه حاضرگه‌قدر دوام قیلماقده.
چاه‌آب تومنی یشاوچی‌لریدن بیرقطاری‌نینگ سلام‌وطندارگه ایتیشیچه، اصل‌الدین‌گه تیگیشلی بولگن ناقانونی قوراللی کیشی‌لر اوتگن جمعه کونی عصر چاغیده پولیس کوچلری اوستیگه هجوم قیلگن‌لر.
اوشبو تومن یشاوچی‌لری‌نینگ ایتیشیچه، ناقانونی قوراللی کیشی‌لر تامانیدن آتیلگن راکت اوق‌لری سبب، بیرقطار اویلرنی تخریب بولگن و آتیشمه نینگ شدتلنگنی باعث، اوشبو تومن بازاری باغلنگن دیر.
تخار پولیس قومندانلیگی سوزلاوچیسی خلیل اسیرنینگ چاه‌آب تومنیده ناقانونی قوراللی کیشی‌لر و پولیس کوچلری آره‌سیده آتیشمه یوز بیرگنی‌نی تصدیق‌لب ایتیشیچه، اوشبو آتیشمه‌لر ناقانونی قوراللی کیشی‌لردن بیری تاج‌الدین نینگ پولیس تامانیدن قولگه آلینگنی باعث، یوز بیرگن.
.jpg)
جناب خلیل‌گه کوره، تاج‌الدین نیچه قتل و آدم اوغیرلاوچیلیک‌که عیب‌لنگن و قوییب یوباریلیشی ممکن ایمس.
تخار پولیس قومندانلیگی سوزلاوچیسی‌نینگ ایتیشیچه، اوشبو آتیشمه‌لردن پولیس کوچلری زیان کورمه‌گن.
تخار مدنی فعاللریدن بیری اسدالله نینگ چاه‌آب تومنی‌نینگ وضعیتیدن خواطر بیلدیریب ایتیشیچه، ناقانونی قوراللی کیشی‌لر بیلن جدی شکلده اقدام ایتیلمه‌گن صورتده، پولیس اوستیگه هجوم قیلیش ناقانونی قوراللی کیشی‌لر آره‌سیده فرهنگ‌گه اوزگریله‌دی.
ایتیش کیره‌ک‌که نیچه ییلدن بویان ایکی ناقانونی قوراللی گروه چاه‌آب تومنیده فعالیت قیله‌دی و گاه‌گاهی بو گروه‌لر آره‌سیده آتیشمه یوز بیره‌دی، بیراق چاه‌آب تومنیده بولگن تارتیشوولرنی حل قیلیش اوچون حکومت نینگ سعی و حرکتی نتیجه بیرمه‌گن.
شوتوغریده…
