طالبان گروهی نینگ ایکی اعضاسی و انس حقانی بیلن آمریکا-افغانستان بیلیم یورتی نینگ گروگه آلینگن ایکی استادی المشتیریلیشی توخته‌تیلگنی نماینده‌لر کینگشی نینگ شبه گه سالگن. نماینده‌لر کینگشی باشلیغی نینگ ایتیشیچه، آمریکا بیلیم یورتی نینگ استادلری تیریکلیگی توغریسیده شبه بولگنی باعث، محبوسلرنی المشتیریش توخته‌تیلگن.
نماینده‌لر کینگشی نینگ شنبه کونگی ییغینیده مذکور کینگش باشلیغی میررحمان رحمانی نینگ ایتیشیچه، محبوسلرنی المشتیریش برهم اوریلگنی طالبان نینگ تینچلیک و اوروش توغریسیده قرار آلیش‌ده سوزسیز و کوچسیز بولگنینی کورسته‌دی.
جناب رحمانی گه کوره، آمریکا بیلیم یورتی نینگ استادلری تیریک بولمسه کیره‌ک و شو یوزه‌دن محبوسلر المشتیریلمه‌گن.
اوتگن کون جمعه طالبان گروهی سوزلاوچیسی ذبیح الله مجاهدنینگ میدیالرگه ایتیشیچه، ایکی تامان آره‌سیده محبوسلرنی المشتیریش توخته‌تیلگن و آمریکا رسمی‌‌لریدن افغانستان توپراغیده آمریکا بیلیم یورتی نینگ ایکی استادی طالبان گروهی نینگ 3 ییریک اعضاسی بیلن المشتیریلیشی توغریسیده نیمه اوچون بیرگن سوزی گه عمل قیلمه‌گنی سوره‌لیشی کیره‌ک.
آمریکا فقراسی بولگن کوین کینگ و آسترالیالیک هم‌کسبی تیموتی ویکس، میلادی 2016- ییل، اگست آیی‌ده کابل‌دن اوغیرلنیشگن. طالبان گروهی نینگ سوزلاوچیسی گه کوره، آمریکا حاضرگه‌قدر محبوسلر المشتیریلیشی خصوصیده بیرگن سوزی و شرط‌لرینی عمل‌گه آشیرمه‌گن.
طالبان گروهی نینگ ایکی اعضاسی و انس حقانی قوییب یوباریلیشی توغریسیده جمهور رئیس محمداشرف غنی تامانیدن صادر ایتیلگن فرمان افغانستان یشاوچیلری نینگ آره‌سیده جدی تنقیدلرگه سبب بولدی.
شو توغریده…
ایش بیلرمانلر: انس حقانی نینگ قوییب یوباریلیشی افغانستان اوچون خوفلی دیر
