.jpg)
افغانستان جمهور رئیسی محمداشرف غنی، بوگون توشدن آلدین بیرگن تلویزیونی بیر بیاناتیده انس حقانی شامل طالبان نینگ اوچ محبوسی قوییب یوباریلیشیدن خبر بیردی.
اوشبو بیانیهده جمهور رئیس نینگ ایتیشیچه، نیچه ییلدن بویان بگرام قماقخانهسیده حبسده بولگن طالبان محبوسلریدن 3 کیشی جملهدن حاجی مالی خان، حافظ رشید و انس حقانی افغانستان-آمریکا بیلیم یورتی نینگ استادلریدن 2 تهسی طالبان نینگ قولیدن قوییب یوباریلیشی بدلیده شرط اساسیده، قوییب یوباریلهدی.
جمهور رئیس گه کوره، اولرنینگ قوشمه سعی و حرکتلری مذکور ایکی استادنینگ تاپیش اوچون نتیجه بیرمهگن و ییتیگن معلومات اساسیده، اولرنینگ ساغلیک و سلامتلیگی اوغیرلاوچیلر قولیده بولگن جریانیده یامانلشگن.
جمهور رئیس نینگ ایتیشیچه، طالبان محبوسلریدن بولگن مذکور اوچ کیشی باشقه مملکتلر و خلق ارالیک شریکلرنینگ همکارلیگی بیلن توتقونگه آلینیشگن.
انس حقانی و حافظ رشید میلادی 2014- ییلده و انس حقانی نینگ تاغهسی حاجی مالی خان میلادی 2011- ییلده ملی خوفسیزلیک کوچلری تامانیدن قولگه آلینگن، بیراق اولر قولگه آلینگن ییرلر توغریسیده هیچ نرسه دییلمهگن.
.jpg)
انس حقانی، حقانی ترماغی نینگ رهبرلریدن بیری دیر. بو ترماق طالبان گروهلریدن بیری سنلهدی و بو گروه مولوی جلالالدین حقانی تامانیدن تشکیل ایتیلگن.
افغانستان-آمریکا بیلیم یورتی نینگ استادلریدن 2 تهسی آسترالیا فقراسی بولگن تیموتی ویکس و آمریکا فقراسی بولگن کیون کینگ میلادی 2016- ییل، 8- اگست ده طالبان تامانیدن اوغیرلنیشگن.
آمریکا جمهور رئیسی دونالد ترامپ نیچه وقت آلدین پاکستان باش وزیری عمران خان بیلن اوتکزگن صحبتیده اوندن افغانستان-آمریکا بیلیم یورتی نینگ اوغیرلنگن ایکی استادی قوییب یوباریلیشی توغریسیده یاردم بیریشینی سورهدی و عمران خان هم دونالد ترامپ گه تیزلیککه یخشی خبر ایشیتیشی توغریسیده سوز بیرگن ایدی.
