سیلاو شکایتلرینی تینگلش کمیسیونی بیر اعلامیه آرقهلی، سیلاو ایرکین کمیسیونیدن آوازلرنی قیته سنهش جریانینی تیزلیککه باشلهشینی سورهگن.
بوگون "پنجشنبه" کابلده خبری ییغین اوتکزگن سیلاو شکایتلرینی تینگلش کمیسیونی باشلیغی زهره بیان شینواری نینگ ایتیشیچه، حاضرگهقدر 189 استیناف قضیه بو کمیسیون تامانیدن رویخط گه آلینگن.
اونینگ ایتیشیچه، حاضرگهقدر ساختهکارلیک و سیلاو جنایتلریگه تیگیشلی بولگن 4700 شکایت تیکشیریلگن.
خانم شینواری نینگ کوپهیتیریشیچه، 2118 آواز بیریش محل آوازلرینی قیته سنهش کیرهک و بو جملهدن 30 مرکز و 105 محل نینگ آوازلری بیکار اعلان قیلینگن و رویخطی سیلاو ایرکین کمیسیونیگه یوباریلگن.
او سیلاو ایرکین کمیسیونیدن آوازلرنی قیته سنهش جریانینی باشلب و درمالوگ شرکتی گزارشینی اهالی بیلن شریک قیلیشینی سورهگن.
سیلاو شکایتلرینی تینگلش کمیسیونی اورین باسری مولوی دین محمد عظیمی نینگ ایتیشیچه، سیلاو کمیسیونی ایشلاوچیلریدن 3 تهسی باش قارهلاوچیلیککه تانیتیلگن، بیراق اولرنینگ آتلری خصوصیده معلومات بیرمهگن.
او درمالوگ شرکتیدن قولگه کیریتگن معلوماتلرنی تینیق شکلده سیلاو ایرکین کمیسیونی بیلن شریک قیلیشینی سورهگن.
عینحالده، سیلاو شکایتلرینی تینگلش کمیسیونی سوزلاوچیسی محمدقاسم الیاسی نینگ ایتیشیچه، سیلاو دستلبکی نتیجهسی نینگ اعلان ایتیلیشی بیر مرته سیلاو ایرکین کمیسیونی تامانیدن توختهتیلدی، بیراق ایته بیرمرته توختهتیلگن سیلاو شکایتلرینی تینگلش کمیسیونی و افغانستان اهالیسی تامانیدن قبوللنمهیدی.
بوتوغریده سیلاو ایرکین کمیسیونی فکرینی آلیش اوچون سعی و حرکت قیلدیک، بیراق موفق بولمهدیک.
