«امانالله» اوتگن "پنجشنبه" آقشامی قندهار ولایتینینگ ارغنداب تومنیده، مدینه آتلی 3 یاشر بالهسی حضوریده اولدیریلدی.
امانالله نینگ ایناغهسی محمدنعیم نینگ سلاموطندارگه ایتیشیچه، امانالله نیچه ییلدن بویان آمریکا حربی پایگاهلریدن بیریده شغللنهریدی.
محمدنعیم نینگ ایتیشیچه، امانالله 45 یاشر ایدی و تورموش قورگن ایدی. محمدنعیم نینگ کوپهیتیریشیچه، امانالله دن باشقه عایلهسی نینگ 4 اعضاسی «وطن یولیده قربان بولگن.»
امانالله نینگ ایناغهسیگه کوره، مدینه بو واقعهدن سونگ، شوککه توشگن و هرکیمدن قورقهدی.
قندهار محلی مسووللری، امانالله نینگ قاتلینی هلاک ایتیلگنیدن خبر بیرگنلر.
قندهار حاکمی سوزلاوچیسی بهیر احمدی نینگ سلاموطندارگه ایتیشیچه، قندهار شهری نینگ 4-، 7-، 9-، 12-، و 14- ناحیهلریده امنیتی کوچلر تامانیدن یولگه قوییلگن تازهلش عملیات نتیجهسیده، ارغنداب واقعهسیگه دخیل بولگن باشقه 5 کیشی یرهلنیب و قولگه آلینگن.
3 یاشر قیزنینگ حضوریده آتهنینگ اولدیریلیشی، کوپینچه قرشیلیکلر بیلن روپهره بولگن و ناراضچیلر مدینه و آتهسی نینگ جسدیدن آلینگ صورتنی اجتماعی ترماقلرده ترقهتیش بیلن بو واقعه تیکشیریلیشینی سورهگنلر.
