.jpg)
غزنی ولایتی جاغوری تومنی نینگ یشاوچیلریدن اونلرچهسی کابلده بیر ناراضلیک ییغناق آلیب ایتیشلریچه، مذکور تومن بولکلش اجازهسینی کیمسه گه بیرمهیدیلر. اعتراضلر شوپیتده باشلنماقده دیرکه بوندن ایکی آی آلدین سروردانش و محمد محققلر تامانیدن جاغوری تومنی 3 اولوسواللیکه اجرهلیش پیشنهادی حکومتگه بیریلگن ایدی.
جاغورینی ولایت بولیشدن حمایت قیلهدیگن خادملر، قرارلر صادر قیلیب ایتیشلریچه، مذکور تومن یشاوچیلری رأی بیرمهگن حالده کیمسه و گروه تومنلری بولینیشیگه تصمیم آلیش اجازهسینی بیرمه یدیلر. مذکور خادملر ملی بیرلیک حکومتیدن اولوسواللیکلری ولایت بولیشینی طلب قیلگن.
ستاد اعضاسی اسدالله انصافی نینگ ایتیشیچه، اساسی قانون 136- مادهسیگه ماس، جاغوری تومنی ولایت بولیشی لازم.
.jpg)
جمهور رییس ایکینچی اورین باسری نینگ مطبوعات بوییچه مصلحتچیسی محمد هدایت نینگ سلاموطندارگه ایتیشیچه، ایکی آی آلدین جمهور رییس ایکینچی اورین باسری سرور دانش و اجراییه ریاستی ایکینچی اورین باسری محمد محققلر تامانیدن جاغوری تومنی نینگ جمعیتی کوپلیگی سبب 3 ایری ادارهگه اجرهلیش طرحینی بیرگن ایکینلر، بیراق «بوطرح جاغورینی بولکلش معنیسیده ایمس.»
اونگه کوره، مذکور تومنده بیر تیکشیروو هیأتی هم یوباریلگن.
یشاوچیلرنینگ ایتیشلریچه، مذکور تومن قانونگه یرهشه 1385 ییلی حامد کرزی حکومتیده اولوسواللیکدن ولایتگه تشکیلاتی ارتقا تاپیش پیشنهادی بیریلگن ایکن و حاضرگه قدراونگه توجه بولمهگن.
