طالبان کمیده ایکی آی آلدین بغلان ولایتی گذرگاه‌نور تومنی نینگ نظارت گه آلیب و شونینگدیک مذکور تومن تامان باره‌دیگن برچه یوللرگه ماین ییرلشتیرگن.
محل بویوک‌لریدن بیری محمد عظیم نینگ سلام‌وطندارگه ایتیشیچه، طالبان گروهی، عایله اعضاسی امنیتی کوچلر صفیده بولگن برچه عایله‌لرگه ایکی میل قورال یا-ده 200 مینگ افغانی پول توله‌شینی سوره‌‌گن.
مذکور تومن یشاوچیلریدن باشقه بیری نبی محمدنینگ ایتیشیچه، قتناو یوللر باغله‌نیشی بیلن مذکور تومن یشاوچیلری آذیق – آوقت کم‌لیگی گه روپه‌رو بولگن و شونینگدیک طالبان محل یشاوچی‌لریگه موترلری ماین گه دوچ کیلگن حالده، 100 مینگ افغانی جریمه بولیش‌لری توغریسیده آگاه‌لنتیرگن.
مذکور یشاوچیلریدن باشقه بیری نینگ سلام‌وطندارگه ایتیشیچه، طالبلرنینگ سونگی بویروغیدن کیین عایله‌سی بیلن گذرگاه‌نور تومنی نینگ ترک قیلگن و باشقه بیر ولایت کیتگن، بیراق آته و آنه‌سی اوشبو تومن مرکزیده بولگنی اوچون وظیفه‌سیدن وازکچیش‌گه مجبور بولگن.
عین حالده، گذرگاه نور تومنی ولسوالی عبدالحنان اندرابی نینگ ایتیشیچه، طالبان مذکور تومن نینگ ایریم بولیمی نی نظارت گه آلگنیدن کیین، باج آلیش گه قول اوریب و تورلی بهانه‌لر آرقلی اهالیدن پول توپله‌یدیلر.
جناب انداربی گه کوره، اولر تیزلیکده طالبان گه قرشی حربی عملیات یولگه قوییشی ممکن.
گذرگاه نور تومنی یشاوچیلری نینگ ایتیشیچه، بو ایکی آی جریانیده اوشبو تومنده مخابراتی ترماقلر فعالیتی کیسیلگن و شونینگدیک اونلرچه اوقووچی مکتب باریشدن محروم قالگن.
اولرنینگ کوپه‌یتیریشیچه، حکومت طالبان گه قرشی تیزلیکده حربی عملیات یولگه قویمه‌ی و مذکور تومن قتناو یوللرینی آچمه‌گن صورتده، مذکور تومنده انسانی فاجعه یوز بیریشی ممکن.
طالبان گروهی حاضرگچه بو توغریده فکر بیلدیرمه‌گن.
