فاریاب محلی مسووللری‌نینگ ایتیشیچه، داعش گروهی نینگ اونلرچه چیت‌ایللیک عایله‌سی اوشبو ولایت قطار تومن‌لریده جایلشگن‌لر.
اولرنینگ کوپه‌یتیریشیچه، داعش گروهی نینگ اوشبو رقم عایله‌لری فاریاب ولایتی‌نینگ المار، گرزیوان، کوهستان و پشتونکوت تومن‌لریده جایلشگن‌لر.
بوگون "سه‌شنبه" فاریاب حاکمی نقیب‌لله فایق نینگ فاریاب‌ده خبری بیرییغین آرقه‌لی ایتیشیچه، یالغیز اوتگن ایکی کون جریانیده داعش گروهی نینگ چیت‌ایللیک 40 عایله‌سی و طاهر یولداش نینگ اوغلی المار تومنیده جایلشگن دیر.
جناب فایق نینگ کوپه‌یتیریشیچه، داعش گروهی نینگ چیت‌ایللیک اعضالریدن بیرقطاری جوزجان ولایتی نینگ درزاب تومنیدن فاریاب ولایتی نینگ پشتونکوت تومنیده انتقال تاپگن.
المار تومنی یشاوچی‌لریدن بیری محمدحسن هاشمی نینگ ایتیشیچه، حاضرده اوشبو تومن بیرقطار قیشلاقلریده داعش گروهی نینگ چیت‌ایللیک اینقسه اوزبیکتسان‌لیک اعضالری تیریک‌چیلیک قیله‌دی و اولرنینگ عیال‌لری هم حربی تجهیزات‌لر بیلن تجهیزلنگن دیر.
ونینگ ایتیشیچه، «داعش گروهی‌گه یمان شکلده قره‌گن کیشی‌لر اولر تامانیدن اولدیریله‌دی.»
فاریاب ولایتی بوییچه مدنی جماعه‌چیلیک نهادلر اورین باسری محمدحسن سرداش نینگ ایتیشیچه، داعش فعالیتی‌گه توسیق بولیش اوچون فاریاب محلی مسووللری دقت قیلمه‌یدی.
ایتیلیشیچه، داعش گروهی نیچه پیت آلدین فاریاب ولایتی نینگ بیرقطار تومن‌لریده بولگن مسجدلرگه شب‌نامه ترقه‌تیب طالبان گروهی‌گه قرشی توخته‌یش‌لرینی اعلان قیلگن ایدی.
بوندن آلدین اوزبیکستان‌لیک، تاجیکستان‌لیک و چچن‌لیک یشاوچی‌لری سرپل ولایت نینگ کوهستان تومنیده جایلشگنی و بیرقطار شبهه‌لی عایله‌لرنینگ غور ولایتیده جایلشگنی خصوصیده، گزارش بیریلگن ایدی.
شوتوغریده…
