.jpg)
غور ولایتیده سونگی کونلر عصری حربی جهازلر بیلن جهازلنگن اونلرچه «شبه‌لی» عایله کورینگن. بو عایله‌لر پاکستاندن هلمند ولایتی گه کیریب و او ییردن غور ولایتی نینگ پسابند و چهارسده تومن‌لریگه کیلیب و اوندن کیین شمالی ولایت‌لرگه تامان یول آلیشه‌دی.
غور ولایت کینگشی باشلیغی فضل‌الحق احسان نینگ سلام‌وطندارگه ایتیشیچه، اوتگن بیر هفته‌ده کمیده 200 عایله مذکور ولایت گه کیلگن و طالبان گروهی نینگ همکارلیگی بیلن شمالی ولایت‌لرگه کیتیشه‌دی.
غور ولایت کینگشی باشلیغی گه کوره، بو عایله‌لر ترکی تیلی گه صحبت قیلیشه‌دی.
شونینگدیک، غور ولایتی نینگ پسابند تومنی سرپرستی عبدالاحدنینگ ایتیشیچه، اولرگه ییتیشگن گزارشلر اساسیده، اونلرچه قوراللی عایله مذکور تومن نینگ «کاکری» قیشلاغیده اویلرنی کرا قیلیب جایلشگن و بو عایله‌لر کیم‌سه گه اوزلریگه یقین‌لش گه رخصت بیرمه‌یدیلر و بو عایله‌لر نیمه قیلیشی‌نی کیم‌سه بیلمه‌یدی.
_Copy2.jpg)
غور ولایتی نینگ اهالیسی، خوفسیزلیک رسمی‌لریدن شبه‌لی عایله‌لرنی بو ولایت گه کیریش اوچون رخصت بیرمس‌لرینی سوره‌یدی.
بیراق، غور حاکمی سوزلاوچیسی عبدالحی خطیبی نینگ ایتیشیچه، حاضرگچه بو توغریده اولرگه معلومات ییتیشمه‌گن. جناب خطیبی نینگ ایتیشیچه، اوشبو ولایت نینگ وضعیتی خوفسیزلیک کوچلری نینگ نظارتی‌ده دیر.
غور اهالیسی و محلی مسؤوللری نینگ آگاه‌لنتیریشیچه، مذکور عایله‌لرنینگ کیریشی‌نی آلدی آلینمه‌گن صورتده، غور و شمالی ولایت‌لرنینگ خوفسیزلیک وضعیتی یامان بولیشی ممکن.
شو توغریده…
غور؛ طالبان گروهی اوچ ایناغه‌نی اوققه توتگن
