افغانستان بوییچه اروپا بیرلیگی ایلچیسی پیری مایدون، افغانستان جمهورلیک ریاست سیلاوی اوچون اروپا بیرلیگی نینگ 8 میلیون یورولیک مالی حمایتی دن خبر بیرگن.
بوگون «دوشنبه» کابلده اوتکزیلگن خبری بیر ییغینده جناب مایدون نینگ ایتیشیچه، بو یاردم دموکراتیک توزوم کوچلنتیریلیشی و افغانستانده سیلاو شفاف شکلده یولگه قوییلیشی اوچون بیریلهدی.
افغانستان بوییچه اروپا بیرلشمهسی نینگ ایلچیسی، جمهورلیک ریاستی سیلاوینی تینیق شکلده یولگه قوییلیشیگه تاکید قیلگن.
افغانستان بوییچه بیرلشگن ملتلر تشکیلاتینی توسعهیی برنامهلر نمایندهسی عبدالله الدرداری نینگ بو ییغینده ایتیشیچه، جمهورلیک ریاستی سیلاوینی تینیق شکلده یولگه قویلیشی کیرهک.
اونینگ کوپهیتیریشیچه، بیرلشگن ملتلر تشکیلاتی افغانستانده دموکراتیک لایحهلردن حمایت قیلهدی.
اوشبو پولنی بیرلشگن ملتلر تشکیلاتی نینگ سیلاو حمایهوی پروژهلری آرقهلی، جمهورلیک ریاستی سیلاوی نینگ تخنیکی و لوژستیکی بولیمیده هزینه ایتیلیشی ممکن.
