افغانستانده دوامی بولگن اوروش و ناتینچلیک‌لر باعث، 23 یاشیده بولگن صدف 65 یاشر آنه‌سی بیلن یخشی فضا ده تینچ شکلده تیریک‌چیلیک قیلیش نی ایسته‌یدی و اولر اروپا تامان یول آله‌دی. اولر بیرینچی‌دن ایران باریش اوچون یولگه توشگن.
صدف نینگ ایتیشیچه، کوپینچه قیین‌چیلیک‌نی تحمل قیلیش بیلن ایران بارگن‌لر، بیراق ناتانیش کیشی‌لر بیلن محرمی بولمه‌گن ایکی عیال نینگ ساعت‌لرچه یولاوچیلیک قیلیشی آسان ایش ایمس ایکن.
صدف نینگ کوپه‌یتیریشیچه، کیچه‌نی یرمی ده ایران نینگ ارومیه چیگره‌سیدن ترکیه تامان حرکت قیلگن‌لر و بو حرکت دردلی، قیغولی و خطرلی سفرنی باشله‌نیشی دیر.
صدف گه کوره، یول کوپ خطرلی و زور ایدی و پیاده یوریش کوچی‌نی قولدن بیرگن کیشی‌لر یولده قاله‌ریدی؛ «یولاوچی‌لر کوپ خسته بولگنی سبب، جانلرنی قولدن بیره‌ریدی‌لر و چوللرده بولگن حیوان‌لرگه آذیق-اوقات بیله‌ریدیلر.»
صدف قیغوگه توشه‌دی، یولاوچیلیک دوریدن قیغولی بیر خاطره‌نی ایسله‌یدی. اونینگ ایتیشیچه، اولر بیلن یولداش بولگن بیرعیال 8 آی‌لیک باله‌سینی بیر صندوق‌گه تشلب یولده قویه‌دی. صدف نینگ کوپه‌یتیریشیچه، قاچاقچی مذکور عیال‌گه باله‌سی نینگ سیسی‌نی اوچیریب یا-ده تشلهمگن صورتده، او و باله‌سینی چولده تشلب کیتیشی خصوصیده آگاه‌لنتیرگنی‌دن سونگ، مذکور عیال باله‌سنی چولده تشلش‌گه مجبور بوله‌دی.
اولر 10 ساعت یول یوریگنی‌دن سونگ، ترکیه‌گه ییتیشگن. یولاوچی‌لر یونان تامان یولگه چیقگن‌گه‌قدر اتاق کرایه قیلیش‌گه مجبور دیرلر. صدف اتاق کرایه قیلگن و او ییرده آیلرچه کوتیب تورگن کیشی‌لر بیلن روپه‌ره بولگن و کوتیب تورگن کیشی قاچاقچی‌لرنینگ پولی‌نی تیارلش اوچون ایش قیله‌دیلر.
نتیجه‌ده بیر آی ترکیه‌گه قالگنی‌دن سونگ، قاچاقچی‌لر یونان‌گه سفر قیلیش اوچون تیارگرلیک آلیشی‌نی ایتگن. ایرته‌لب ساعت 4 اطرافیده بادی قایق‌لر آرقه‌لی یونان باریش اوچون یولگه چیقه‌دیلر. مذکور قایق 20 کیشی اوچون توزه‌لگن، بیراق اولر زوردن 80 کیشی‌نی جای‌لشتیره‌دیلر.
صدف گه کوره، قاچاقچی بیرینچی‌ده قاچاق پولی نی آلیب و حاضر ایسه اوزی یوللاوچیلر کوپلیگی باعث آغیر بولگن قایققه مینمه‌یدی و بوندن کیین، یوللاوچیلر آره‌سیده‌گی اینگ جسور یوللاوچی اولرگه یولچی‌لیک قیله‌دی.
صدف نینگ ایتیشیچه، بو یولده کوپینچه قایق کورگنلر کیم تیشیک‌لیگی باعث غرق بولیب و یوللاوچیلری سوووگه باتگن و حاضر ایسه هم باله‌لر و عیاللر سیسی اوزاقلردن قولاققه کیله‌دی.
نهایتده صدف، آنه‌سی و باشقه یوللاوچیلر آلمان گه یتیشه‌دی؛ صدف نینگ ایتیشیچه: «بو مملکتده بارگنده اونینگ توغریسیده بولگن فکریم ییردن آسمان گه قدر فرقلی ایکن، تورلی فرهنگ، تورلی مردم و تورلی اهالی.»
اولر آلمان‌ده‌گی مهاجرلر اردوگاهی گه انتقال تاپدی، بیراق قیینچلیکلر حاضرگه قدر اوز اورنیده قالگن، قوشمه آش‌خانه، قوشه ساغلیک خدمتلر و برچه‌سیدن یمان بولگن ییگولیک آذیق-آوقت نینگ قویی کیفیتی ایدی. آیلرچه اوته‌دی و نهایتده صدف و آنه‌سی آلمان گه قالیش رخصتی نی قولگه کیلتیره‌دیلر. بیراق قیینچلیکلر قالیش رخصتی نی قولگه کیلتیرگندن کیین باشلنه‌دی؛ تیل اوقیش و تورلی خره‌جت توللش.
او، اوزی و آنه‌سی نینگ قارنی نی تولدیریش و شونینگدیک هر آی آخریده سالیق و باشقه خره‌جتلرنی تولش اوچون هر قنده‌ی قیین ایشلرگه قول اوره‌دی.
صدف گه کوره، بیگانه مملکتلرده انسان دوستلیک حسی یوق دیر و نهایتده «یول اوستیده جان بیریش باشقه‌لر اوچون اونملی ایمس.»
مذکور یاش عیال نینگ ایتیشیچه، اروپایی مملکتلرده‌گی کوپینچه مهاجرلر اوشبو مملکتلرده بارگنلریدن پشیمان دیر و شونینگدیک، مذکور مملکتلرده باریش اوچون برچه بار یوق‌لرینی صرفله‌گنلری باعث اوز مملکتلریده قیته آلمه‌یدیلر و حاضر چاره‌سیز قالگنلر.
صدف و آنه‌سی آلمان‌ده نیچه ییل قالگنلریدن کیین یوز یوره‌ک نی بیر یوره‌ک قیلیب قیته‌دن افغانستان کیله‌دیلر. او حاضر کابل‌ده یشه‌یدی. قیته‌دن عایله قوریب و حیات نی صفردن باشله‌گن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM)، افغانستان دولتی‌‌نینگ مهاجرلر قاچاقی و انسان قاچاقی‌گه قرشی کوره‌ش یوکسک کمیسیونی تامانیدن تیارلنیب و تصدیق‌لنگن. اوشبو میکانیسم‌دن مقصد انسان قاچاقی و مهاجرلر قاچاقی قربانلریدن حمایت قیلیب و اولرگه یاردم بیریب و شونینگدیک، قاچاقچی‌لرنی تانیب قضایی اداره‌لریگه تانیشتیریب (2017- ییل مصوبه‌سی) انسان قاچاقی گه قرشی کوره‌ش قانونی اساسیده، دولت و دنیاجماعه‌چیلیگی‌گه یولچی‌لیک قیلیش بولگن.
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM) نینگ 9- بند و 8- ماده‌سیده مهاجرلر وزیرلیگی اداغ‌ده بولگن مواردلرنی تامین قیلیش‌گه موظف دیر.
- چیت‌ایل مملکتلرده انسان قاچاقچی‌لری تامانیدن آلیب باریلگن کیشی‌لرگه، تشقی ایشلر وزیرلیگی و مربوط بولگن باشقه خلق ارا نهادلر همکارلیگی اساسیگه قیتیب کیلیش زمینه‌سینی یره‌تیش.
- انسان و مهاجرلر قاچاقی‌گه قرشی کوره‌ش ییل‌لیک پلان‌نی تیارلب و عملی قیلیش.
- 4 آی جریانیده قیلگن اجرات‌لردن انسان و مهاجرلر قاچاقی‌گه قرشی کوره‌ش عالی کمیسیون‌گه گزارش بیریش.
- انسان و مهاجرلر قاچاقی‌گه قرشی کوره‌ش عالی کمیسیون تامانیدن مهاجرلر وزیرلیگی‌گه تاپشیریلگن قانونی وظیفه‌لرنی انجام بیریش.
افغانستان بوییچه قاچقین‌لر وزیرلیگی سوزلاوچیسی عبدالباسط انصاری نینگ ایتیشیچه، اوز ایسته‌گی بیلن مملکت‌گه قیتیب کیلگن قاچقین‌لرده ییر بیریله‌دی، بیراق میزبان مملکت‌لر تامانیدن زوردن چیقاریلگن قاچقین‌لرده بیر مقدار پول توللنه‌دی.
جناب انصارگه کوره، قیتیب کیلگن قاچقین‌لرده ییر توزیع ایتیلیش موضوعی جمهور رییس تامانیدن تصدیق‌لنگنی‌دن سونگ، توزیع ایتیله‌دی.
خلق ارا قاچقین‌لر سازمانی تامانیدن بیریلگن سونگی ارقام‌گه کوره، میلادی 2019- ییل بیرینچی 6 آیده 110 مینگ کیشی ایران دن و باشقه 225 مینگ کیشی پاکستان‌دن چیقاریلگن. اوشبو سازمان ارقامی‌گه کوره، 85 مینگ کیشی ایران دن و 8 مینگ کیشی پاکستان دن اوز ایستک‌لری اساسیده قیتیب کیلگن.
شونینگدیک، جاری ییل بیرینچی 6 آیده اروپالیک مملکت‌لردن افغانستانده قیتیب کیلگن قاچقین‌لر رقمی 800 کیشی‌گه ییتیشه‌دی.
بوندن آلدین قاچقین‌لر وزیرلیگی نینگ بیرگن ارقامی‌گه کوره، جاری ییل میلادی بیرینچی 6 آیده کمیده 200 مینگ افغانستان‌لیک قاچقین اوز ایسته‌گی اساسیده ایران دن کیلگن و شونینگدیک، باشقه 100 مینگ کیشی‌نی ایران مملکتی زوردن چیقارگن.
