آمریکا جمهور رئیسی دونالد ترمپ توییتری بیر پیام آرقلی، طالبان بیلن تینچلیک سوزلشوولری ممکن بولمه‌گنیدن خبر بیرگن.
جناب ترمپ اوتگن کونی ایتیشیچه، طالبان رهبرلری بیلن بوله‌دیگن اوچره‌شوو اونینگ تامانیدن ریجه‌لنگن و شونینگدیک اونینگ لغو ایتیش قراری اوزی نینگ تامانیدن آلینگن.
جناب ترامپ ایکی کون آلدین بیر توییت آرقلی اعلام قیلیشیچه، طالبلرنینگ سونگی هجومی‌ده آمریکا حربی‌لریدن بیری هلاک ایتیلگنی اوچون مذکور گروه بیلن سوزلشوونی لغو قیلگن.
آمریکا جمهور رئیسی ایتگن ایدی کیم، طالبلر تینچلیک سوزلشوولری آقیمیده آتیش کیسین توغریسیده کیلیشمه‌گن حالده، هیچ بیر زمان معنالی سوزلشوو کوچی گه ایگه بولمه‌یدیلر.
طالبلرنینگ خبرنامه‌سیده کیلیشیچه، آمریکا نماینده‌لری بیلن اوتکزگن 9 دوری سوزلشوولری یخشی ایکن و لغو بولگن حالده آمریکا ضرر کور‌یشی ممکن.
شو توغریده:
- طالبان: آمریکا زیان کوره‌دی
جمهورلیک ریاست سرایی: تینچلیک اوچون اساسی توسیق طالبان دیر
تایم ژورنالی: پومپئو آمریکا و طالبان کیلیشوونامه‌سینی امضاء قیلمه‌دی
خبرنامه نینگ کوپه‌یتیریشیچه، آمریکا و طالبان گروهی آره‌سیدگی سوزلشوولر توخته‌لیش قراری آمریکا جمهور رئیسی تامانیدن درحال آلینگن، شونینگدیک بو کیلیشوونامه امضالنیش گه تیار بولیب و او امضالنگنیدن کیین 1- میزان‌ده افغانلر ارا سوزلشوولر باشلنیشی گه قرار قیلینگن ایدی.
بوندن آلدین افغانستان تینچلیگی بوییچه آمریکا خاص نماینده‌سی زلمی خلیلزاد، طالبلر بیلن اوتکزگن 9 دوری سوزلشووگه اصول گه کیلیشگنلری توغریسیده خبر بیرگن ایدی.
