.png)
بغلان ولایتینینگ مرکزی و قطار تومن‌لریده بولگن اوروش‌لر 4 کوندن بویان دوام ایتماقده.
بغلان ولایتی بوییچه ساغلیق‌نی سقلش ریاستی مسووللری نینگ ایتیشیچه، حاضرگه‌قدر تینچ اهالی شامل کمیده 100 کیشی هلاک ایتیلیب و یرهلنگنلر.
بغلان ولایتی بوییچه ساغلیق‌نی سقلش ریاستی باشلیغی محب‌الله محب نینگ ایتیشیچه، حاضرگه‌قدر 21 عسکر و 8 تینچ اهالی هلاک ایتیلیب و باشقه 25 عسکر و 40 تینچ اهالی یره‌لنگن دیر.
بغلان یشاوچی‌لری و موتر هیداوچی‌لردن بیرقطاری نینگ ایتیشیچه، طالبان جنگری‌لری اوتگن کیچه پلخمری شهری نینگ بند دو منطقه‌سیده، 4 موترنی اوتگه تارتگن. اولرنینگ ایتیشیچه، آتیشمه نینگ دوامی بولگنی سبب، حاضرگه‌قدر کوپ قطار عایله‌لر آواره بولگن.
موتر هیداوچی‌لردن بیری بصیر نینگ ایتیشیچه، کابل‌دن جوزجان تامان باره‌دیگن بیرچاغده، پلخمری شهری نینگ چشمه‌شیر منطقه‌سیده، طالبان هجومی بیلن روپه‌ره بولگنلر. اونینگ ایتیشیچه، اوز و عایله‌سی نینگ باشقه 4 اعضاسی یره‌لنگن دیر.
محلی پولیس قومندانلریدن بیری بلبل اندرابی نینگ ایتیشیچه، تجهیزات کم‌لیگی و کمکی کوچلرنینگ یوباریلمه‌گنی باعث، اولر و طالبان گروهی آره‌سیده بولگن اوروش طولانی بولگن.
عین‌حالده، بغلان پولیس قومندانلیگی سوزلاوچیسی احمدجاوید بشارت نینگ ایتیشیچه، امنیتی کوچلر تامانیدن اویوشتیریلگن عملیات‌لر نتیجه‌سیده، دوشی تومنی‌نینگ کیله‌گی منطقه‌سینی قطار بولیم‌لری طالبان وجودی‌دن تازه‌لنگن دیر.
جناب بشارت‌گه کوره، امنیتی کوچلر و طالبان گروهی آره‌سیده یوز بیرگن آتیشمه‌لرده بو گروه جنگریلریدن کوپ قطار هلاک ایتیلیب و یرهلنگنلر، بیراق بیللی ارقام قولگه یوق دیر.
بغلان پولیس قومندانلیگی سوزلاوچیسی نینگ کوپه‌یتیریشیچه، حاضرده پلخمری شهری نینگ اطرافیده اوروش‌نی دوامی بار.
ایتیش کیره‌ک‌که اوروش‌لر باشلنگن‌دن حاضرگه‌قدر بغلان قتناو یول‌لری ترافیک یوزیگه باغلنگن و یوزلرچه مسافر تاشیووچی و یوک تاشیووچی موترلر پلخمری شهریده بند قالگن.
شوتوغریده…
