جمهورلیک ریاست سیلاوی نامزدلریدن بیری و اسلامی حزب رهبری گلبدین حکمتیار، ملی بیرلیک حکومت نی کوچسیز بیلیب ایتیشیچه، افغانستاندن چیتایللیک کوچلر چیققن صورتده، بو حکومت سقوط قیلیشی ممکن.
بوگون «جمعه» کابلده سیلاو کمپاینی ییغینده نطق سوزلهگن حکمتیارنینگ ایتیشیچه، ملی بیرلیک حکومت مملکت نینگ اونملی مسئلهلری توغریسیده قرار آلیش گه قادر ایمس دیر.
اوشبو جمهورلیک ریاست سیلاوی نامزدی نینگ اورغولشیچه، آمریکا، افغانستانده بیر حکومت ایجاد قیلیش اوچون سعی و حرکت قیلهدی و بو حکومت مملکت دن چیتایللیک کوچلر چیققنیدن سونگ، بیر هفته هم دوام قیلمهیدی.
جناب حکمتیار سوزلرینی بیر قسمی ده ایتیشیچه، تینچلیک تأمین ایتیلهدی و کیمسه تینچلیککه قرشی کیله آلمهیدی.
شونینگدیک، حکمتیار جمهورلیک ریاست سیلاوی نینگ یولگه قوییلیش زمانی آرتده قالدیریلیشی نی بیلدیریب ایتیشیچه، اونینگ ایشانچی گه کوره، سیلاو و تینچلیک عین دمده ایلگری آلیب باریلمهیدی. جمهورلیک ریاست سیلاوی نینگ بو نامزدی جمهورلیک ریاستی سیلاوی آرتده قالدیریلیشی نی ایتهدی، بیراق اورغولشیچه، سیلاو کمپاینی نینگ سونگی کونی گه قدر سیلاو کمپاینلریگه دوام بیرهدی.