افغانستان بوییچه اداری فسادگه قرشی کوره‌شنی تیکشیریش و نظارت قیلیش کمیته یا-ده میک مسؤوللری نینگ ایتیشیچه، تشقی ایشلر وزیرلیگی نینگ قونسلی و دیپلوماتیک ایشلاوچی‌لرینی تعیین‌لش و چیت‌ایل گه یوباریش جریانی سیاسی اره‌لشوولر و نفوذی دن جدی شکلده تأثیر کورگن.
میک مسؤوللریگه کوره، اولرنینگ قولگه کیریتگن معلوماتی اساسیده، تشقی ایشلر وزیرلیگی نینگ 1160 ایشلاوچیسی دن 164 ته‌سی غیرمسلکی بولیم‌لردن فارغ بولیشگن.
شونینگدیک، اوشبو کمیته نینگ تیکشیروولری گه کوره، مذکور وزیرلیک دیپلمات‌لریدن 8% نینگ عالی اوقوو حجتی یوق دیر و اولردن کوپینچه‌سی 12- و 14- صنف‌دن فارغ بولیشگن.
افغانستان بوییچه اداری فسادگه قرشی کوره‌شنی تیکشیریش و نظارت قیلیش کمیته یا-ده میک باشلیغی باری سلام نینگ ایتیشیچه، تشقی ایشلر وزیرلیگی نینگ ایشلاوچی‌لریدن 40% نارسمی و واسطه‌لی شکلده ایش گه آلینگن.
اونینگ کوپه‌یتیریشیچه، اوتگن 10 ییل جریانیده، تشقی ایشلر وزیرلیگی نینگ 200 دن آرتیق ایشلاوچیسی چیت‌ایل گه یوباریلگنیدن سونگ، مملکت گه قیتمه‌گن و اولر رسمی مأموریت‌لردن چیت‌ایل ده قاچقینلیک ابزاری صفتیده فایده‌لنگن.
افغانستان بوییچه اداری فسادگه قرشی کوره‌شنی تیکشیریش و نظارت قیلیش کمیته‌سی نینگ معلوماتی توغریسیده تشقی ایشلر وزیرلیگی نینگ فکرینی اورگه‌نیش اوچون علاقه قوردیک، بیراق تکراری قونغیراقلر نتیجه‌سیده اولر صحبت بیریش گه حاضر بولمه‌دی.
