دارالحیات وب‌سایتی نینگ گزارشی‌گه کوره، خلق ارا بیر شرکت باشلیغی یوآف مردخای باشقه ایکی سوداگر بیلن افغانستان بیرینچی بانوسی رولا غنی بیلن اوچره‌شگن و اسراییل‌لیک شرکت‌لرنینگ افغانستانده سرمایه یاتقیزیشی خصوصیده ایکی تامان کیلیشگن دیر.
گزارش‌گه کوره، جناب مردخای جاری ییل جولای آی نینگ بیرینچی کونلریده اسراییل‌لیک بیرهیات باشلیغی‌ده افغانستان‌گه کیلگن ایکن.
اسراییل‌لیک اوشبو هیات نینگ 3 کونلیک سفری رولا غنی‌گه تیگیشلی بولگن «خطیب وعلمی» آتلی بیر شرکت تامانیدن تنظیم ایتیلگن و اوشبو اوچره‌شووده سوداگرلیک خصوصیده صحبت ایتیلگن.
ایتیلیشیچه، اوشبو اوچره‌شووده رولا غنی و اسراییل‌لیک هیات کابل، فراه، هلمند و نیمروز ولایت‌لریده اسراییل‌لیک شرکت‌لر تامانیدن سرمایه یاتقیزیلیشی خصوصیده کیلیشگن‌لر.
منبع: دارالحیات وب‌سایتی
