قطرده افغانستانلیک‌لر ارا یولگه قوییلگن ییغین اشتراکچی‌لری نینگ سلام‌وطندارگه ایتیشیچه، بو ییغینده کوپلب فکر المشتیریلگن و ایکی تامان تورلی موضوعلر توغریسیده مذاکره قیله‌دی.
ییغین اشتراکچی‌لریدن بیری اصیله وردک نینگ ایتیشیچه، ییغین بیرینچی‌دن افغانستان و پاکستان بوییچه آلمان نینگ خاص نماینده‌سی و کابل بوییچه مذکور مملکت نینگ ایلچیسی مارکوس پوتزل و قره‌مه قرشی‌لیک‌لر حل ایتیلیشی و ترورچیلیک‌که قرشی کوره‌ش ایشلری بوییچه قطر تشقی ایشلر وزیرلیگی نینگ خاص نماینده‌سی تامانیدن رسمی شکلده باشلنگن.
بیراق، مذکور ایکی رسمی ییغین باشلنگنیدن سونگ، تالارنی ترک قیلیشگن و ییغین ایسه بوتونله‌ی افغانی بولگن.
ییغینده بیرینچی‌لب نطق سوزله‌گن کیشی طالبان گروهی نینگ نماینده‌سی شیرمحمدعباس استانکزی بولگن و اونینگ صحبت‌لری کوپلب مخدره ماده کمه‌ییشی، حکومت تشکیلاتیده عیاللرنینگ رولی و رواجلنتیریش پروژه‌لرنی اوستیگه ایلنگن.
بیراق، افغانستان نماینده‌لری کوپلب آتیش‌کیسین و زوروانلیک‌لر کمه‌ییشی توغریسیده صحبت قیلیشگن. شونینگدیک، افغانستان نماینده‌لری زوروانلیک‌لر کمه‌ییشی خصوصیده، قوشمه کمیته ایجاد ایتیلیشی‌نی طلب قیلگن.
خانم وردک گه کوره، طالبان گروهی نماینده‌لری نینگ عیاللر رولی توغریسیده ایتیشیچه، عیاللر اسلام و افغانی‌لیک قاعده‌سی اساسیده، اوقیش و تورموش اورتاق سیلش گه حقلی دیر.
افغانستان هیأتی نینگ اشتراکچی‌لریدن باشقه بیری صدیق‌الله توحیدی نینگ سلام‌وطندارگه ایتیشیچه، سوزلشوولر ایجابی دیر. جناب توحیدی گه کوره، ایرته ایکی تامان آره‌سیده افغانستانلیک‌لر ارا سوزلشوو دوامی تأمین‌لنیشی خصوصیده بیر کیلیشوونامه امضاءلنیشی اوچون سعی و حرکت قیلماقده‌لر.
.jpg)
جناب توحیدی نینگ ایتیشیچه، قره‌مه قرشی فکرلرگه قره‌گنده، ییغین تینچلیک بیلن ایلگری کیتگن.
توحیدی نینگ کوپه‌یتیریشیچه، طالبان گروهی سوز ایرکین‌لیگی توغریسیده صحبت قیلگن، «اونی قبول قیله‌دیلر، بیراق خاص شرایط اساسیده، یالغان بولمه‌سین و ادب رعایت قیلینسین.»
افغانستان هیأتی اوتگن کون دوحه گه ییتیشدی. اوشبو هیأت سیاسی سیمالر، میدیالر و مدنی جماعه‌چیلیک نماینده‌لریدن تشکیل ایتیلگن. طالبان گروهی نینگ ایلگریدن اعلان قیلیشیچه، بو هیأت کیشی‌سل مذاکره قیله‌دیلر، حکومت نماینده‌لری صفتیده ایمس.
اوتگن کون «شنبه» جاری میلادی ییل نینگ اداغیگه‌قدر سونگی کیلیشووگه قول تاپیلیشی خصوصیده، سوز قاتیلدی. اوتگن کون وحید عمرنینگ ایتیشیچه، تینچلیک سوزلشوولریده دییرلی نتیجه‌لرگه ایریشیلگن و باشقه ایکی آی‌گچه حکومت بیلن طالبان دستلبکی کیلیشووگه ایریشیشی خصوصیده قرار قیلینگن.
شو توغریده…
