قندوز مکتبلری نینگ اوقووچیلری و آته-آنهلریدن بیرقطاری نینگ سلاموطندارگه ایتیشیچه، تعلیمی ییل باشلنگنیدن نیچه آی اوتماقده، بیراق حاضرگهقدر اوقووچیلرگه کتاب بیریلمهگن.
اولرگه کوره، مکتبلردن کوپینچهسی نینگ میز و چوکیسی یوق دیر و بیرقطار مکتبلرده بِنا یوقلیگی باعث، اوقووچیلر آچیق فضا و قویاش آستیده درس اوقیدیلر.
قندوز ولایت کینگشی باشلیغی محمدیوسف ایوبی نینگ ایتیشیچه، درسی کتاب یوقلیگی گه علاوه، مذکور ولایت نینگ تومنلریده بولگن مکتبلردن کوپینچهسی اوقیتووچی کملیگی گه روپهره بولیب تورگن.
اونگه کوره، بو قیینچیلیک حل ایتیلمهگن صورتده، اوقووچیلر کوپینچه قیینچیلیککه روپهره بولهدیلر.
شونینگدیک، قندوز معارف ریاستی باشلیغی نجیبالرحمان ثاقب، مذکور ولایت نینگ معارفی ده درسی کتاب، میز و چوکی یوقلیگینی تَن آلهدی.
جناب ثاقب نینگ ایتیشیچه، بو کمچیلیکلر تیزلیککه حل ایتیلهدی و شونینگدیک، تعلیمی ییل باشلهنیشیده 85 مکتب نی تمل تاشی قوییلگن و اولرنی قوریلیش ایشی دوام ایتماقده.
موجود قیینچیلیکلرگه قرهگنده، قندوز ولایتی نینگ 9 تومنی و طالبان گروهی نینگ نظارتیده بولگن منطقهلرده مکتبلر قیز و اوغیل اوقووچیلرنینگ یوزیگه آچیق دیر.
قندوز معارف ریاستی تامانیدن بیریلگن رقم اساسیده، مذکور ولایت نینگ مرکزی و تومنلریده 509 مکتب فعال دیر و بو مکتبلرده چمهسی 374 مینگ اوقووچی درس اوقیدی.
