محمدشاپور لوگر ولایتی نینگ ارزه تومنیدن بولهدی. او حاضر 27 یاشیده بولگن. 8 ییل آلدین امنیتی کوچلر تشکیلاتی گه قوشیلگن و اینگ اساسی آرزولریدن بیری اهالی نینگ خوفسیزلیگینی تأمینلش ایکن.
محمدشاپور پولیس اکادمیهسیدن براغت حجت قولگه کیریتگنیدن سونگ، افغانستان نینگ تورلی منطقهلریده عسکر و افسر صفتیده وظیفه قیلگن و حاضر لوگر خوفسیزلیک قومندانلیگیده مسؤولیتینی عملگه آشیرهدی.
اوشبو پولیس عسکر اویلنگن و اوچ اوغیل و قیزی بار. اونینگ ایتیشیچه، پولیس تشکیلاتی گه قوشیلگنیدن مقصد، وطن گه خذمت قیلیش و اهالی اوچون یخشی حیات گه زمینه یرهتیش بولگن.
مذکور پولیس عسکرگه کوره، حاضر چیتایللیک جنگریلر مملکت نینگ تورلی منطقهلریده یشاوچیلرنی قتل قیلهدی و حاضرگهقدر کوپلب عیال، باله و دین عالملرینی شهید قیلگنلر.
محمدشاپورنینگ کوپهیتیریشیچه، 8 ییل جریانیده تورلی ولایتلرده وظیفه قیلگن و حاضرگهقدر پولیس کوچلری آرهسیده هیچقندهی تعصب کورمهگن.
اونینگ ایتیشیچه، وظیفه جریانیده ایکی مرته یرهلنگن، لیکن یخشی بولگنیدن سونگ، ینه-ده اهالی و اولکهدن مدافعه قیلیش اوچون وظیفهسیگه قیتگن و بو موضوعلر هیچ قچان امنیتی کوچلرنینگ تشکیلاتیده بولیب و وظیفهسینی عملگه آشیریشی اوستیگه سلبی تأثیر قویمهگن.
اوشبو پولیس عسکرگه کوره، اوتمیشلرگه نسبتن پولیس تشکیلاتیده کوپلب اصلاحات کیریتیلگن و پولیس عسکرلری عصیانچیلرگه قرشی کورهشیش خصوصیده مسلکی شکلده تعلیم کورهدی.
محمدشاپورنینگ ایتیشیچه، تینچ اهالی نینگ جانی او و باشقه همراهلری اوچون جوده هم اهمیتلی دیر و عملیات یا-ده اوروش چاغیده، تینچ اهالی بیلن عایله اعضالری کبی یاندهشهدیلر.
مذکور پولیس عسکر، همسنگرلریدن بیرقطارینینگ قولدن بیریش دردینی کوکسیده کوترهدی، بیراق ایتیشیچه، تامیریده قان جریانی بولگونگهقدر امنیتی کوچلرنینگ تشکیلاتیده فعالیت قیلیشدن باش تارتمهیدی و مملکت و یشاوچیلردن مدافعه قیلیش اوچون کورهشهدی.
