آمریکا جمهور رئیسی دونالد ترامپ نینگ ایتیشیچه، افغانستاندن حربی کوچلرینی چیقاریش‌گه حاضر دیر، بیراق «چیت‌ایللیک کوچلر افغانستاندن چیقگنی‌دن سونگ، اوشبو مملکت آمریکا گه قرشی تروریستی سیناو مرکزیگه اوزگریشی ممکن.»
اوتگن کونی دونالد ترامپ نینگ فاکس نیوزگه ایتیشیچه، افغانستاندن 9000 آمریکالیک حربی چیقگنی‌دن سونگ، اوشبو مملکت‌نی تروریست‌لر اوچون سیناو مرکزی بولیشی ممکن.
دونالد ترامپ، آمریکا حربی مقام‌لری بیلن اوچره‌شوویده آمریکا کوچلرنی افغانستان چیقاریشی خصوصیده علاقه کورستگن.
ترامپ نینگ ایتیشیچه، آمریکا کوچلری افغانستاندن چیقاریلگن صورتده هم اوشبو مملکت نینگ کوچلی استخباراتی افغانستانده فعالیت قیله‌دی.
اوتگن کونی کابلده طالبان گروهی تامانیدن اویوشتیریلگن خودکش هجوم‌ده 6 تینچ اهالی هلاک ایتیلیب و باشقه 100 دن آرتیق کیشی یره‌لگن بیرچاغده، جناب ترامپ بو مصاحبه‌نی اوتکزگن.
بوگون "سه‌شنبه" قطرده آمریکا و طالبان نماینده‌لری آره‌سیده بولگن تینچلیک سوزلشوولری 7- دوری نینگ 4- کونی یولگه قوییله‌دی.
آمریکا و طالبان آره‌سیده بولگن سوزلشوولرده طالبان گروهی چیت‌ایللیک کوچلرنینگ افغانستاندن چیقیشی خصوصیده تاکید قیلماقده، بیراق آمریکا افغانستان‌نی تروریست‌لر مرکزیگه اوزگرمه‌یشی خصوصیده ضمانت بیریلیشی‌نی سوره‌گن.
حاضرگه‌قدر آمریکا حربی‌لریدن 2400 ته‌سی افغانستان اوروش‌لریگه هلاک ایتیلگن.
