فاریاب سوداگرلریدن بیرقطاری نینگ ایتیشیچه، طالبان گروهی بادغیس ولایتی نینگ بالامرغاب تومنی کوپریکی نی بوزگنیدن سونگ، سوداگرلرنینگ توارلرینی فاریاب گه انتقال بیریش اوچون دریاده نیچه کیمه جایلشتیرگن؛ بیراق سوداگرلیک توارلرنی دریانی بو تامانیدن او تامانی گه اوتکزیش خرجتی هر بیر مرته 15 مینگ افغانی بوله‌دی.
فاریاب سوداگرلریدن بیری محمدالله نینگ ایتیشیچه، بالامرغاب کوپریکی بوزیلگنیدن سونگ، مذکور ولایت سوداگرلری کوپینچه قیین‌چیلیک‌لرگه روپه‌ره بولیب قالگن.
شونینگدیک، فاریاب ولایتیده سرمایه یاتقزیش و سوداگرلیک اتاق مدیری حیات الله نینگ ایتیشیچه، بیش آی آلدین بالامرغاب کوپریکی طالبان تامانیدن بوزیلگن و سوداگرلر قولی‌لیک‌که سوداگرلیک توارلرینی فاریاب گه انتقال بیره آلمه‌یدی.
.jpg)
فاریاب حاکمی سوزلاوچیسی جاوید بیدارنینگ ایتیشیچه، بالامرغاب کوپریکی بوزیگنیدن سونگ، مذکور ولایت سوداگرلری و یشاوچیلری کوپلب زیان کورگن‌لر. جناب بیدارگه کوره، طالبان گروهی سوداگرلردن باج آلیش اوچون بو کوپریک نی بوزگن.
فاریاب ولایتیده سرمایه یاتقزیش و سوداگرلیک اتاقی مسؤوللری نینگ ایتیشیچه، طالبان گروهی نینگ باج آلیشی و قتناو یوللر باغلنگنی باعث، مذکور ولایتده خصوصی تشبث‌لر 90% کمه‌یگن.
