جوزجان، پکتیا و بلخ ولایت‌‌لریده ناتینچلیک کینگه‌یگنی باعث، عیاللر آواز بیرووچی‌لرنینگ رویخطگه آلیش جریانیده کینگ شکلده اشتراک قیله آلمه‌گن.
جوزجان ولایتیده فیفا و عیاللر ایشلری اداره‌سی مسؤوللری نینگ ایتیشیچه، جوزجان تومن‌لریده ناتینچلیک کینگه‌یگنی باعث، عیاللر آواز بیرووچی‌لرنینگ رویخطگه آلیش جریانیده کینگ شکلده اشتراک قیله آلمه‌یدی و بو موضوع جمهورلیک ریاستی سیلاویده اولرنینگ آواز بیریش حقی تلف بولیشی گه سبب بوله‌دی.
جوزجان ولایتیده عیاللر ریاستی باشلیغی نجیبه قریشی نینگ ایتیشیچه، مذکور ولایت نینگ خانقاه، مردیان، مینگجیک، قرقین، فیض‌آباد و آقچه تومن‌لریده ناتینچلیک کینگه‌یگنی باعث، عیاللر آواز بیرووچی‌لرنینگ رویخطگه آلیش جریانیده اشتراک قیله آلمه‌گن.
شونینگدیک، افغانستان بوییچه شفاف سیلاو بنیادی یا-ده فیفا ولایتی مسؤولی عبدالبصیر لهیب نینگ ایتیشیچه، جوزجان ولایتیده آواز بیرووچی‌لرنینگ رویخطگه آلیش جریانی باشلنگنیدن بویان یالغیز 500 عیال نی کیم‌لیک‌لریده استیکر اوریلگن و بو موضوع جمهورلیک ریاستی سیلاویده عیاللرنینگ حضوری کم‌لیگی‌نی کورسته‌دی. اونگه کوره، سیلاوده عیاللر حضوری کم‌لیگی سیلاو سلامتی و شفافیتی‌نی سوراققه دوچ قیله‌دی.
جوزجان ولایتی بوییچه سیلاولر ایرکین کمیسیونی نینگ معلومات بیریش بولیمی عمومی مدیری محمداسلم حیدری نینگ ایتیشیچه، اوشبو ولایت نینگ قطار تومن‌لریده امنیتی تهدیدلر باعث، سیلاو ایشلاوچی‌لری تومن‌لرگه سفر قیلمه‌گن.
پکتیا ولایتی بوییچه سیلاولر ایرکین کمیسیونی نینگ معلومات بیریش بولیمی عمومی مدیری شیرعلی فیضی نینگ ایتیشیچه، آواز بیرووچی‌لرنینگ رویخطگه آلیش جریانیده ایریم قیین‌چیلیک‌لر موجود.
اوشبو ولایت عیاللریدن بیرقطاری، آواز بیرووچی‌لرنینگ رویخطگه آلیش جریانیده عیاللرنینگ حضوری کم‌لیگی‌دن خواطر بیلدیریب ایتیشیچه، قطار تومن‌لرده هیچ بیر عیال آتی‌نی رویخطگه بیرمه‌گن.
بلخ ولایتیده سیلاولر ایرکین کمیسیونی نینگ ولایتی دفتری سرپرستی عزت‌الله آرمان نینگ ایتیشیچه، امنیتی تهدیدلر بولگنده هم، بو ولایتده آواز بیرووچی‌لرنینگ رویخطگه آلیش جریانی قانیقرلی دیر.
اونگه کوره، آواز بیرووچی‌لرنینگ رویخطگه آلیش جریانی باشلنگنیدن بویان 2500 دن آرتیق کیشی رویخطگه آلینگن و بو جمله‌دن 47% عیاللر دیر.
جوزجان و پکتیا ولایت‌لریدن آواز بیرووچی‌لرنینگ رویخطگه آلیش جریانیدن سلام‌وطندارگه ییتیشگن معلومات اساسیده، جوزجان 500 عیال و پکتیاده 900 عیال رویخطگه آلینگن.
