فاریاب ولایتی کینگش اعضالری و یشاوچیلریدن بیرقطاری نینگ ایتیشیچه، طالبان گروهی اوشبو ولایت یشاوچیلرینی آگاهلنتیریب و جمهورلیک ریاستی سیلاویده اشتراک قیلمهیشلرینی سورهگن.
فاریاب ولایتی نینگ اندخوی تومنی یشاوچیلریدن بیرقطاری نینگ سلاموطندارگه ایتیشیچه، طالبان گروهی اوشبو تومن یشاوچیلریدن جمورلیک ریاستی سیلاویده اشتراک قیلمهیشلرینی سورهگن.
فاریاب ولایتی کینگش اعضاسی آقمحمد نوری نینگ سلاموطندارگه ایتیشیچه، طالبان گروهی قوم بویوکلر آرقهلی، بوتون یشاوچیلرگه سیلاو لایحهسیگه اشتراک قیلمهیشلرینی اعلان قیلگن و بو لایحهده اشتراک قیلگن کیشیلر، طالبان گروهی تامانیدن جزالنتیریلیشی خصوصیده آگاهلنتیرگن.
عینحالده، فاریاب پولیس قومندانلیگی سوزلاوچیسی عبدالکریم یورش نینگ بو موضوعنی تصدیقلب ایتیشیچه، طالبان هجوملریگه قرشی امنیتی کوچلر تیاردیر و سیلاو کونی گچه فاریاب تومنلریده طالبان گروهیگه قرشی حربی عملیات یولگه قویلهدی.
عینحالده، فاریاب ولایتی بوییچه سیلاولر ایرکین کمیسیونی نینگ ولایتی دفتری باشلیغی عبدالبشیرحسام نینگ ایتیشیچه، فاریاب ولایتیده 112 آواز بیریش مرکز موجود دیر. اونینگ ایتیشیچه، مذکور مرکزلردن 48 تهسی باغلنگن و شونینگدیک، باشقه 28 مرکز جدی و 8 مرکز ایسه اورتهچه تهدید بیلن روپهره بولگن.
باشقه تاماندن طالبان سوزلاوچیسی ذبیحالله مجاهد نینگ سلاموطندارگه ایتیشیچه، اوشبو گروه فاریاب یشاوچیلریگه سیلاو کونیده اویدن چیقمهیشلرینی سورهگن.
اونینگ ایتیشیچه، طالبان گروهی سیلاو لایحهسینی مختل قیلیشنی ایستهیدی و آواز بیریش مرکزلرنی هجوم آستیگه قرار بیریلهدی.
عینحالده، مملکت شمالی ولایتلری جملهدن بدخشان، تخار، قندوز، بغلان، سمنگان و فاریاب ولایتلریده مخابراتی ترماقلر فعالیتی کیسیلگنی دن خبر بیریلهدی. ایتیلیشیچه مذکور ولایتلرده یالغیز سلام مخابراتی ترماغی فعال دیر.
