جوزجان ولایتیده آتی فاش ایتیلیشینی ایستمهگن محلی بیر منبع نینگ سلاموطندارگه ایتیشیچه، قوشتپه تومنیده داعش گروهینینگ جنگریلری مذکور تومن پولیس قومندانلیگی سرپرستی عزتالله وردم تامانیدن حمایه قیلینیب و جهازلنهدی.
منبع نینگ ایتیشیچه، داعش گروهی مردمی کوچلرنی آرهسیدن عسکر آلماقده و بو گروه نینگ فعالیتینی آلدی آلینمهگن صورتده، قوشتپه تومنی مذکور گروه نینگ قولیگه سقوط قیلیشی ممکن.
باشقه تاماندن، جوزجان مدنی فعاللریدن بیرقطاری نینگ ایتیشیچه، داعش گروهی نینگ فعالیتینی دوامی هر بیر آت آستیده قبول قیلینمس دیر و بو گروه حکومت تامانیدن نابود ایتیلیشی کیرهک.
بیراق، جوزجان پولیس قومندانلیگی سرپرستی عبدالواحد وجدان نینگ سلاموطندارگه ایتیشیچه، مذکور ولایت نینگ قوشتپه و درزاب تومنلریده داعش گروهی قیتهدن فعالیت گه باشلهگنی توغریسیده حاضرگچه رسمی گزارش قولگه کیریتمهگنلر.
شونینگدیک، سلاموطندارگه تلیفونی صحبت بیرگن جوزجان ولایتی نینگ قوشتپه تومنی پولیس قومندانلیگی سرپرستی عزتالله وردم، اونگه قرشی کیریتیلگن عیبلاولرنی رد قیلیب ایتیشیچه، ایریم تشکیلاتلر اونینگ بدنام قیلیش اوچون سعی و حرکت قیلهدی.
عین حالده، جوزجان ولایتی نینگ قوشتپه و درزاب تومنلریدن بولگن مردمی منبعلر، مذکور ولایتده داعش گروهی یاشیرین شکلده فعالیت گه باشلهگنی و عسکر آلیشینی تصدیقلیدی.
شو توغریده…
جوزجان؛ داعش گروهی قیتهدن فعالیتگه باشلهگن
